ISAYA 32:17 - PIPÏLIA

¹⁷ Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

ISAYA 32:17 ပူးပေါင်းရင်းမြစ်များ

ESTA 9:30

Kiyokyï Mordekay palaltin pipö Yaudi löwïr cho kimi koros 127 pö pöyunöto Aasuero kïmïkul nyo kimökyini chane otöp nyo pö kalya nko man,

TUMWÖY 119:165

Tïngeto kalya pich cho chömöy kirurutköku, möminye kïgh nyo ighöy chane kwotyö.

TUMWÖY 85:10

Kötuyö chomnyogh nyo pö kokay nko kighanat ketakwes kegh man nko pöghisyö.

TUMWÖY 85:8

Oteran kïgh nyo mwoghöy ECHOTYON Tororöt, ompöwölo ngölonchini pikachi ngala pöghisyö, cho tïghöy kerïpa ortïna sölwontön.

NGÖTÏNYÖ 1:33

Wölo töpo ato ripote chi nyo teröy ngalechan, pöyösöy kïpuryö otyogh nyi pö ghöyityö.

NGÖTÏNYÖ 14:26

Tïngeto chi kikönöt nyo wöghöy ECHOTYON akïnyoru monechi wölo karam wölo ghyöghchini.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 11:13

Amelö tökwomchini paytaghpa Israel Yuda nyonyintön ngat, amelö tökïlïku Yuda pung pö Israel.

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 28:12

Kikonokwa nyinte kimungöt nko payasat, wölo ataghakwa alïma ngalechi.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 33:6

akutö pich chïchïmat. Ghetöy pikachi osis löwïr akutö chane ngöghomnyö nko chïreryö. Kuwagh chane ECHOTYON kï kaplawachtangwa nyo wow.

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 55:12

“Ongetokwa koro Papilon ompö ngörekyö, kimïtunenokwa opkonone kanasyan ompö kalya. Teghsot kutïngkotï nko komos akïtum ompö ngörekyö.

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

EPRANIA 12:11

Ketö chi sitöt, kïmelö kïgh nyo kïngörökyini, puryö ipu ngwonïn ato mi löt kuyinchï pïchoni kikinet pïröto kegh akwa cho pö ropöwonto kalya nyo pö söpon nyo satate.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

1 YOANA 4:17

Keröto chomnyogh kuten ompö orincha kï kesïköcha nyakanat ompö asispa kirwok. Akesïkecha nyakanate lenyoni ompöwölo kïmicha orito Tororöt ompö ngwïnyinï lenyini mi Kristo orito Tororöt.