ISAYA 32:15 - PIPÏLIA

¹⁵ Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 32:15 ပူးပေါင်းရင်းမြစ်များ

TUMWÖY 104:30

Ato isikinyi yomat, kïsöpchö ngat, nyi nyo itöni ngwïny söpon.

TUMWÖY 107:33

Kigh ECHOTYON lalwatïn kïyomö akwigh kori pöghon kïlïkwï terïtyon.

TUMWÖY 107:35

Kigh nyinte surkwen ngörpilwo pögh akwigh wölo tïyame kïlïkwï kori pöghon.

NGÖTÏNYÖ 1:23

Atera kinetutkochan oyinokwa kinonutköchan aporwokwa ngalechan.

ISAYA 28:6

Ighöy nyinte pich cho le kirwokï kïpöghisyeghö man, akutö nyakanat chane cho ripöy kukoti kanasyan tömölïtu pung.

ISAYA 29:17

Kïle wölo kikemwa lö lïku wuw nyo kinagh ketï kïtuwit wölo kïngoröy paren, akïwaghaka ngat wölay kakïngoröy paren kïlïkwï wuw nyo nöghöy ketï kïtuwit.

ISAYA 35:7

lïku nanam, ngoyomwö nyo köpelo pich tïwayway akïlïku kori pöghon korö wölo tïyame. Pito soltinö nko suswo pelöw wölo kirusot chepkonöw.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

ISAYA 63:11

Atolapay kunan nyinte osis cho kipö könyisyok, osiswo Musa, mötworinto ECHOTYON. Kïtep chane lö, “Köwö onö ye nyu ECHOTYON nyanya kisörï kintöghoghiko pikachi atanya kiweröy kwenu nanam? Köwö onö ECHOTYON nyanya kitö Musa Mïkulöwunyi nyo tïlil,

ESEKEL 37:14

Otöninan mïkulöwunyan kïtöpö nko akwa, tosöpchenö atönokwa korengwo, onkïtukwa nyu lö ani ECHOTYON nyo kamwagh, aghan lenyini.” Mwoghöy ECHOTYON.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

LUKA 24:49

Oyokwokwa ayomisto Paponyan kungwïnchokwa. Wölo oköngisyeghö kanasyantanete ntökïtenö kungwïnchokwa owesyö nyo ngwïno parak.”

YOANA 7:39

Kimwa Yeso ngalechoni ompö ngala Mïkulögh nyo kitomönye kite kïtak pich cho ghönöy nyinte. Kitomönye atoni kekonï Mïkulögh ompöwölo kitomönye ketöror Yeso.

IGHISYEWUT 2:33

Ompöwölo kiketöror nyinte aketö kïtöpö okumpö tagh nyo pö Tororöt, akïtach ompö kwanta ayomis nyo pö Mïkulögh nyo Tïlil. Kunka nyete kökonï nyu kïyete osïwïyekwa ye alïmöy.

2 KORINTO 3:8

kïtïng nyu ighisyo Mïkulögh ororyö nyo wow tya!