ISAYA 32:10 - PIPÏLIA

¹⁰ Ochikwa pïghyongote otï le ye, wölo meghyonokwa mïkulis ato teno nyete könyinï ngwïnöy, ompöwölo mökïmicha sapipun cho rïröy atopïtökwa.

ISAYA 32:10 ပူးပေါင်းရင်းမြစ်များ

ISAYA 16:10

Puryö chi ye nyo ngarakate ompö paren cho okwoghöch, akï möminye chi nyo teghöy anta tum ompö pareni sapipun. Puryö chi nyo tïköy dipay ompö wölay kïpïro pögho sapipun atökegh kïlïkwï dipay. Kawangan kiteghsyo ngörekyo kasa.

ISAYA 7:23

“Pituno tapalak nko kato asisoni wop anka tïkwïl nyo kimi keti sapipun cho le 1,000, cho kikïnyorunö ropïyeni silpa cho le 1,000.

YEREMIA 8:13

“Kyolentan oghömïtöy piköchan, le ngorin nyo ilöy sapipunechi, wölo lata chane keti sapipun cho puryö akwa. Monyorchanye okin ket pö moköngwö nyonikïny, kopentan kikïyomö ompö soke. Kïlenyona kyochömchan pikö walaka kïcheng korengwa.

OSEA 2:12

Onyoran akweko sapipunechi nko keti cho kimwa nyinte lö, “Achï ropöwechan cho kökonanïn chamankachu,” ompöwölo kapaghan chane, owöghökan nyu kïlïkwï wuw atökwam tïpö wudïn.

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

YOEL 1:12

Kiyomö keti sapipun akuwonyö keti akwa walaka. Kisilonchö keti akwa cho sisinchö ompö paren akïyomö löwïr. Akuwonyeghö pich ngörekyö.

YOEL 1:5

Ay, akwa ptömösï ongetyenö alokyö. Ochoghö rira lapay ptamasispa dipay,* ompöwölo kikechïchuk, amökïlïtönye kutïwekwa.

YOEL 1:7

Kikunyar ketiko sapipune chan akïnyaghaghnyagh ketichan walaka cho pö akwa. Kikwöl perka akuchunchï ngwïny.

APAKUK 3:17

Kïrkegh puryö akwa keti makany akïtïryolöch keti sapipun, kïrkegh puryö kïgh nyo kakïnyorunö keti arol, amömicha pagh paren, akïrkegh kömeghö kechirye lömïs akï puryö tïch piway, kïtongörökan ompö ECHOTYON, ongörökyinan Tororöt nyo le sörunintenyan.

SEPANIA 1:13

Kïsöro pïchoni tïkukwa lömïs akewur korikwa. Akïrkegh kïlö kïteköy korïn, mömöngöcha korichoni. Kïrkegh kïlö kïkötkötöy sapipun, mögheghöcha dipay* pö ketichoni.”