ISAYA 32:1 - PIPÏLIA

¹ Arosa lö itu asistanka pöytoghintö nyo pöytoy ompö konyït nko kintöghoghï cho pöytoy ompö man.

ISAYA 32:1 ပူးပေါင်းရင်းမြစ်များ

2 SAMWEL 23:3

Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,

TUMWÖY 45:1

Kinyïghï mïkulöwunyan kinonut cho karamach, otini otumchinan pöytoghin. Lata ngalyapunyan kalamu kikirin nyo ngöghom.

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 11:5

Lïku man angweto muyenyi nyo röto kegh, akïlïkwï kighanata angwa nyo röto kegh.

ISAYA 16:5

Atolapay nyu kegh chi akonga nyo pö ara Daudi kïlïkwï pöytoghin, atökïpayta pich ompö man nko chomnyogh. Ighöy nyinte kïgh nyo pö man lawel, akïsïwa lö kegha ngölyonto man.)

ISAYA 28:6

Ighöy nyinte pich cho le kirwokï kïpöghisyeghö man, akutö nyakanat chane cho ripöy kukoti kanasyan tömölïtu pung.

ISAYA 33:5

Wechï töror ECHOTYON! Pöytoy kïgh anka tïkwïl. Nyïghitöy Sayon* man nko kitenat

ISAYA 4:6

Körtegho ororyenyi kanasyantanoni kilayat atole pöghet, akïrip kïlïkwï ato ghïpchegho pich akï tïghume ompö chepkiriri nko ompö rop.

YEREMIA 33:14

Lentöy ECHOTYON, “Itïtöy ato opuntenan ayomis nyo kyaman nko pipö Israel nko Yuda.

YEREMIA 33:15

Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.

ESEKEL 37:24

“Lïku nyu mötworintenyan Daudi pöytoghintengwa löwïr, kinyorï nyu chane löwïr mösöwon akonga. Rïpöy kirurutköchan akïrïp ngalechan lasiny.

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.