ISAYA 31:8 - PIPÏLIA

⁸ Kïpöro chokon pipö Asirya otini mito setat, wölo melö ompö chokoni pich. Pertegho pipö Asria wölini poryegho, kenam nyu chumwakayikwa akegh kïlïkwï sekey.

ISAYA 31:8 ပူးပေါင်းရင်းမြစ်များ

TOWUNÖT 49:15

Wölo kisïwa lö karam wölo kimungo, akïsïwa lö pïchigh kore. Kïlenyona kungïrukö tökïkasan tïkwïn, akegh ompö kat kïlïkwï sekeyon.

2 OTÖPTINO OSIS 32:21

Kïyonta ECHOTYON malaykayan kïtïw nyökon pö lïk löwïr nko kighyongtoghi nko yetïntin cho kimi möngo pöytoghinto Asirya. Kïmïla pöytoghinto Asirya ompö arasï kïwö korenyi. Akwotini kïwö kïlït koto tororötïnyi, kïsöpchï werkachi walak kïpara rotwo chok.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

ISAYA 10:25

Ompöwölo tomönye kite kuwonyö kichopatenyan ompö akwa, atökutang nyu kiwuratenyan wölo mi chane.

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

ISAYA 14:25

Owuran pipö Asirya ompö koreto piköchan Israel, atïkatïkan chane kutïngkotichan cho mi korononi. Otyokan pikachu cho kirat pipö Asirya, atyaka chane nïkisïntin cho kikitö kïkasan.

ISAYA 17:13

Ryoghöy pipö punton le mirtino pögh cho chang, wölo teghchini Tororöt chane atökïmïlonchö löt, akïyon le terïtyon nyo kïkutöy kïröytö kutïng, kïkarkegh nko mopö cho kutöy pïchpïchö,

ISAYA 21:15

Kepertoy pich kïchïwïtyeghö chokon cho mi kïpsach kuwany chane, akupertoy ompö kotï cho karich kïwut chane nko tapanpa poryot.

ISAYA 27:7

Tomönye kuchop kong ECHOTYON pipö Israel tya le wölo kida pungkökwa, amelö kipar nyinte pikökwa cho teno cho pö pungkökwa.

ISAYA 29:5

Kïkutïtoy pipö punton löwïr cho poryegheninyi, we Yerusalem le terïtyon, atökupiltoy le mopö panini lawel pikökwa cho pö lïk cho otyegho pich.

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

ISAYA 37:7

Töni ECHOTYON wowïntöngwa mïkulögh atökïlïm nyinte ngala putintön cho ighöy nyinte kïmïla ntökwit korenyi atökwigh ECHOTYON kepar ompö wöloni.”

ISAYA 66:16

Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

YEREMIA 46:10

Asisoni kï asispa Echotyon, TORORÖT Kimuktoghin, Akï asispa kitökötenyi. Mungöy nyinte pungkachi asisoni. Omöy chane ngot ntökïpïghyö akï gha kisön pö pich ntökïnyïghï mu. Ompöwölo asete ato tïghöy ECHOTYON Kimuktoghin pungkachi le kyaki amöros ompö kor nyo mi okumpö löt, atolekïtö lalwa Yuparet.

ESEKEL 21:28

“Yeo wero chi, ngorsyenö. Lenchinö pipö Amon lentöy Echotyon TORORÖT, “ ‘Mi chok kïpsach kïpörisyö, kakisït tökuryal le kiryol kapayasakwa ompö sïwïyaghtankwa pö putintön.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”