ISAYA 31:3 - PIPÏLIA

³ Pich pat pipö Misri, molenchï kegh tororötin chane. Pö ngwïnyinï angoletinekwa molenchï kegh pkono yïm. Kïkany ato ghïtö ECHOTYON ewunyi, kïrulyö nyu pipö punton cho owesöch akïrulyö tïkwïl chane cho kinyorunö kingarakat chane. Kiwuröy chane kwodeny.

ISAYA 31:3 ပူးပေါင်းရင်းမြစ်များ

2 OTÖPTINO OSIS 32:8

Lïko ptangengmöt lïkenyi. Wölo ngörokecha ECHOTYON Tororötïnyo akïporyewecha nyinte.” Kïnyökönitu pich ompö ngala Esekia pöytoghinto Yuda.

TUMWÖY 118:8

Kaykay kemanta kegh ECHOTYON, kïtïl kemanta kegh ptangengmöt.

TUMWÖY 33:17

Möminye kïgh nyo nyiwu angole ompö osiswo tapan, melö söru kïgh owesyenyi nyo wow.

TUMWÖY 9:20

Iwira chane otyogh, we ECHOTYON, aikany kunkïtï puntonï lö ptangengmöt chane pat.

ISAYA 10:3

Oghekwa ne ato itï asis nyo kichopokwa? Oghekwa ne ato ipï nyinte rïmöt nyo ngwïno wölo low wölo omitekwa? Orïpchinekwa onö tonyorunö kingarakat? Owïnchinekwa onö sïkönötengwa?

ISAYA 20:4

Rötöy pöytoghintö Asirya pikö koroswechoni le odeny kïlïkwï mampustin akïrang chumwak nko poy kïpa kïchïrutöch kimeloköcha kwegh akulak sïro cho mökörtonye löpisöy, ompö arasï nyo pö pipö Misri.

ISAYA 20:6

Otini ketï asisoni, kïlö pich cho möngöy sörömu nanampa koro Pilisti, ‘Arose kïgh nyo kegha ompö pïchay kökikönecha lö köghetenecha pöytoghinto Asirya! Ekengötunecha ompö or ne köny?’ ”

ISAYA 30:16

Nyinö kötoghekwa lenyoni, amachakwa osughenö kegh pungkökwa apegha angoletin cho pïrtït, nyoman mïchini osughökwa kegh, lenyoni wölo pïrtïte pïchoni yonokwa kïmolï!

ISAYA 30:5

kitökughyongchini kegh pipö Yuda ompö kïgh nyo kigh chane kughan pïchoni mökumuköy ntökeghan, pich cho kipïsyï chane arawet kwen kïpuryö kingarakat.”

ISAYA 30:7

Lenye kwïle kingarakata nyo nyoruno chane pipö Misri. Nka nyoni kokuran koro Misri ompö ngötïnyö, ‘Moroy nyo mötïng owesyö.’ ”

ISAYA 36:6

Kïrkegh kolentekwa osïko kingarakat koro Misri, wölo karkegh nyona nko chi nyo tökönöy solyon nyo mïro akïpar ewunyi. Lata nyoni Parao, pöytoghinto Misri ompö akwa ato atwaytekwa kegh nyinte.

ISAYA 36:9

Imukenyi lö ne töpone löt wölo mi opisa nyo pö Misri lö tökungarakïn kïkonïn nkaritin nko angoletin?

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 15:6

Kataghanïkwa. Mwoghöy ECHOTYON. Kopörchanïkwa patagh. Nka nyoni nyu kosyolön ewunyu, amungokwa, ompöwölo kyaghakan osyonchekwa kïtenö osis.

YEREMIA 17:5

Lentöy ECHOTYON, “Chïpote chi nyo twoytoy kegh chi akïtigho kegh ptangengmöt akïngwïsa mïkulöwunyi Tororöt.

ESEKEL 28:2

Kïlechanïn, “Lenchinö pöytoghinto Tiro, lentöy Echotyon TORORÖT, Ikwolenyi kegh nyoman, ompöwölo ilentenyi ochï tororöt nyo töpo ngacharu tororötin ompö kwenu nanamtin akwanyï ichinyi pat chi kwïle melö tororöt kïrkegh ighanyi kegh lö ochï ngöghom le tororöt.

ESEKEL 28:9

Telentenyi ye, ‘Ochï tororöt,’ ompö tawu pïchini kiparinyi, nkïtunö nyu lö ichinyi chi kwïle melö tororöt.

AMOS 2:15

Amelö tökumuköy tökughyongtö chi pö kotï amelö söru chi kegh nyo pïrtït anta sörï chi nyo wegho angole.

MATAYO 15:14

Opïstenökwa! Köryote chane akï kintöghoghi chepkarotin, kïkany kuntöghoghchï chepkarot chi nyo karote, kupïtyini pïrïm chane kwodeny.”