ISAYA 31:2 - PIPÏLIA

² Akwanyï ngöghom nyinte, ipu kiwurat amelö wöghököy ngalechi cho riru lö kichopöy kong mwokïyis nko pich löwïr cho körtoy chane.

ISAYA 31:2 ပူးပေါင်းရင်းမြစ်များ

AYUPU 12:13

Ngwïno pköchin nko nyakanat Tororöt, akï tïng kiruröt nko pköchin.

AYUPU 12:16

Tïngeto nyinte owesyö nko ngöghomnyö. Nyo kïlïsöy nko lïsin kï chechi löwïr.

AYUPU 5:13

akïnama lïsatengwa pich cho lentöy kïchï ngöghomöch, akwighöy akupotyot lawel tötut pö chepölköstin.

ISAYA 1:4

Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

ISAYA 14:20

Metuyonyinye nko chane ato kïtïpisïyi, ompöwölo kingamanyi korengu, keparanyi piköku. Möminye chi akonga nyo ighöy ghöyityö nyo pö arenkwa nyo kituköy.

ISAYA 21:17

Nyakan tya pipö Kedar cho wutïtoy kotï, wölo ngötu cho ngörï ompö chane ompöwölo ani ECHOTYON Tororöt pö Israel nyo kangalan.”

ISAYA 22:14

Kingölonwanïn ECHOTYON Kimuktoghin nyinte lö, “Melö kïlöstoghchini chane ghöyityengwa, otini kïnye tökïsöpsot chane.” Mwoghöy Echotyon TORORÖT Kimuktoghin.

ISAYA 28:21

Poryot ECHOTYON kïkarkegh nko wölanya kiporyeghö kutïng pö Perasim nko mpöghoghyo Kipyon, atökumï kwigh kïgh nyo mököy kwighöy, kïrkegh köwöngöy pich ighisyewutkachi lö ne! Wongöy ighisyenyi nyo pö töngönchin.

ISAYA 28:29

Ngwïno ngöghomnyonï tïkwïl wölo mi ECHOTYON Kimuktoghin. Ngöghomöch tötutkachi kokay, akupölisïyi kïtenö osis!

ISAYA 30:3

Kïlenyona, lïku owesyo Parao kwïle akuwonyechini kiwurat.

ISAYA 30:7

Lenye kwïle kingarakata nyo nyoruno chane pipö Misri. Nka nyoni kokuran koro Misri ompö ngötïnyö, ‘Moroy nyo mötïng owesyö.’ ”

ISAYA 31:3

Pich pat pipö Misri, molenchï kegh tororötin chane. Pö ngwïnyinï angoletinekwa molenchï kegh pkono yïm. Kïkany ato ghïtö ECHOTYON ewunyi, kïrulyö nyu pipö punton cho owesöch akïrulyö tïkwïl chane cho kinyorunö kingarakat chane. Kiwuröy chane kwodeny.

ISAYA 32:6

Ngölonöy chi nyo le sölwö ngala sölwontön akunonöy tïkwïn cho ghach. Ighöy akïngölonöy tïkwïn cho ghöchini ECHOTYON. Melö pöghöy pich cho amate kömöy anta tö chane pögh cho gheghöy.

ISAYA 45:7

Oghan löpoyïn nko tuwïn, opchinan pich kisoyönöt nko nyarïl tïkwïl. Ani ECHOTYON nyo oghöy tïkuchoni löwïr.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

YEREMIA 10:7

Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.

YEREMIA 36:32

Atolapay achengan palaltin walaka, atö kikirintenyan Paruk wero Nerya, atökukir ngal löwïr lechini kyomwochïneghan kutinyu. Kukir nyu Paruk cho körökegh nko cho kimi kitapunay pö tagh kipel Yeoyakim, pöytoghinto Yuda. Kikïtöschï ngale walaka cho lata choni.

ESEKEL 29:6

“Kunkïtï nyu pipö Misri lö ochan ECHOTYON. Ompöwölo kikilïkunyi tiwöwonto Israel nyo mösöp kïgh.

AMOS 3:6

Ayo, chöghöy konti poryot ompö kanasyan, amotyonye pich? Akwityini nyarïl kanasyan ato metyorchïnye ECHOTYON?

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”

SAKARIA 1:6

Ayo, melö so kinyorï papotïnekwa sitenyan ompöwölo melö kirïp kirurutköchan cho kyotönön kuwerï mötworichan werkoy? Kïlenyona kïkötö ngokikwa akïlö, ‘Kighwecha ECHOTYON Kimuktoghin kïrïp kegh nko otöptinecha nko ighisyewutköcha akïlenyoni wölo kidecha.’ ”

KIYITUT 10:35

Otini kikïsït Santuku Muma, kïlö Musa, “Ngeta ECHOTYON aitoyö punköku aikany kïryöghö tawungu chona reyinyi.”

KIYITUT 23:19

Melö lenye Tororöt chi nyo mïröy put? Amelö lenye chi nyo wöghököy ngalechi. Ato kimwa kwighöy akupuntoy kïgh nyo kiyomis.

MATAYO 24:35

Weröy yïmö nko ngwïny, wölo meweröcha nyonikïny ngalechan.

RUMI 16:27

Nya kïpöyit ororyö Tororöt kokay nko kokay, nyinte onkït nyo pköchini kïgh anka tïkwïl, ompö Yeso Kristo. Amen.

YOSWÖ 23:15

Kipuntö ECHOTYON Tororötïnkwa tïkwïn löwïr cho karamach cho kiyomiswokwa nyinte. Ato apenyakwa muma* ECHOTYON Tororötïnkwa nyo kyamakwa tïkwïl, apöghisyechï tororötin walaka asagh, kwipkokwa nyu nyinte tïkwïl tïkwïn löwïr cho ghach, ntökïtenö owonyenökwa lömïs ompö koronï karam kikonokwa nyinte.”

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.