ISAYA 31:1 - PIPÏLIA

¹ Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 31:1 ပူးပေါင်းရင်းမြစ်များ

TOWUNÖT 47:17

Kïlenyona nyu kulïwchï pich Yosep twakwa, kutö Yosep chane omisyö, kyalta angoletin nko kechir nko tïch nko sïkïröy, kutö nyu chane omisyö könyinini kïtangogh nyo kyaltegha kyakikwa löwïr.

2 OTÖPTINO OSIS 16:7

Kungwïn werkoyontö Anani osiswechoni wölo mi Asa pöytoghinto Yuda akïlenchï nyinte, “Ompöwölo itighonenyi kegh pöytoghinto Sirya, ametwaytenyinye kegh ECHOTYON Tororötïngu, kachïwïteninyi nyu lïko pöytoghinto Sirya.

2 OTÖPTINO OSIS 16:9

Ompöwölo pestoy konyi Tororöt ompö ngwïny kïmïkul, akutöni owesyö chane cho ighöy mïkuliskökwa man ompö tawu Tororöt. Keghanyi kïyoni ompö sölwontön ompöwölo kïngeta ye kutang tagh iporyonyi.”

AYUPU 39:11

Imontonenyi kegh nyinte ompöwölo awes tya, anta ipïsyinenyi nyinte ighisyengu kwigh?

TUMWÖY 20:7

Mi pich cho montoy kegh nkarinekwa cho pö lïk, kumonto kegh walaka angoletinekwa, wölo kimontonecha kegh owesyo ECHOTYON Tororötïncha.

ISAYA 10:17

Lïku löpoyïn pö Israel ma, kïlïkwï Nyinte nyo Tïlil lyopöt nyo pelöy ompö asis akonga kïgh anka tïkwïl akipelöy ompö katokachi nko takalawkachi.

ISAYA 2:7

Kinyïghï kari silpa nko koltin korengwa, amöminye ato wonyot kaplawachtangwa. Kinyighï angoletinö korengwa, amöminye sörömu nkarinekwa.

ISAYA 20:5

Susöy kïgh, akïlalïyan pïchoni kökikutö kikönötengwa koro Etopya, akïkwolö kegh owesyo Misri otini kewonyeghö chane kikönötengwa.

ISAYA 22:11

atekakwa kö pö pögh kanasyan ori nyo toköy pögh cho yinuno koto pögh nyo kipö könyisyok. Wölo melö kyayangakwa Tororöt nyo kitat könyisyok, akïsïwa lö kigha lenyoni.

ISAYA 30:16

Nyinö kötoghekwa lenyoni, amachakwa osughenö kegh pungkökwa apegha angoletin cho pïrtït, nyoman mïchini osughökwa kegh, lenyoni wölo pïrtïte pïchoni yonokwa kïmolï!

ISAYA 36:6

Kïrkegh kolentekwa osïko kingarakat koro Misri, wölo karkegh nyona nko chi nyo tökönöy solyon nyo mïro akïpar ewunyi. Lata nyoni Parao, pöytoghinto Misri ompö akwa ato atwaytekwa kegh nyinte.

ISAYA 36:9

Imukenyi lö ne töpone löt wölo mi opisa nyo pö Misri lö tökungarakïn kïkonïn nkaritin nko angoletin?

ISAYA 43:15

Ochan ECHOTYON Tororötïnkwa nyo Tïlil. Kyaghakwa, we pipö Israel, achan pöytoghintenkwa.”

ISAYA 5:12

Pöghisyegho ompö okortinekwa, pïkantis nko pkurerun nko kumïn. Wölo menkïtcha kïgh nyo ighöy ECHOTYON anta sïwa ighisyewutko ewunechi.

ISAYA 57:9

Oyilokwa kegh tïkwïn cho ngutoy nyo karam nko mwowöy, apa asagh tororöt Molek, atonyorunö tororötin cho osoghöy. Oyontokwa pich kïpa wölo low, akïpa ntökïröytö nyini le ngwen.

ISAYA 64:7

Akï möminye chi nyo wöghöko akïsaghinyi. Möminye chi nyo ngwïnöy wölo imitenyi atökengarak. Anyï ye kewïngenyi kegh wölo kïmitecha, aipakadecha akwompö ngokicha.

ISAYA 9:12

Mito pipö Sirya kongasis, kïmi pipö Pilisti to, kingany chane kutïwekwa atökwam Israel. Wölo kïrkegh kighisyö choni löwïr melö kiwany nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

YEREMIA 17:5

Lentöy ECHOTYON, “Chïpote chi nyo twoytoy kegh chi akïtigho kegh ptangengmöt akïngwïsa mïkulöwunyi Tororöt.

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 37:7

“Lenchinö Sedekia pöytoghinto Yuda nyona katepinyi lö soghwech ani, karich kuyoda kegh korengwa Misri lïko Parao nyo kisetï kungarakinyi.

ESEKEL 17:15

Wölo kipeny pöytoghinto Yuda, kïyonta pich kïpa Misri kïlenchï pöytoghin kutö nyinte angoletin nko pipö lïk. Ekumuköy tökumukta? Ekumuköy kïchïwït chi nyo ighöy ngal cho lenye chï nya? Memukönye kïpeny amam kïgh anta nyorï ngölyon.

ESEKEL 29:16

Melö tökïtïgho kegh pipö Israel ngat Misri, nyo ato nan lelutkökwa otini kiyara chane kingörokut. Nkïtu nyu chane lö ochan Echotyon TORORÖT.”

DANIEL 9:13

Kipkonchecha ngalechini löwïr kikikirchï kirurut pö Musa. Wölo kïrkegh kikenyorucha sitöt, we ECHOTYON Tororötïnyo, kïmelö kikechïstecha akewöghökisyö ompö ngokï akerïp mantangu.

OSEA 11:5

Mïlisyot chane kutöngöy Misri tökïpayta pöytoghinto Asirya chane ompöwölo kitagh kïkötö

OSEA 11:9

Oyodenan nörekyenyan melö towurtenan Epraim ompöwölo ochan Tororöt melö ochan ptangengmöt. Ochan Tororöt nyo Tïlil nyo mi nko akwa melö ongwïnan owonyokwa.

OSEA 14:3

Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”

OSEA 7:7

Kiloyö nörekyengwa chane le ma nyo mi nökögh ompö akïtïgh kintöghoghikwa, kikepar pöytoghikwa, löwïr, amöminye ompö akong nyo sorwanïn.”

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

APAKUK 3:3

Kingwïna Tororöt koro Edom, kingwïna Nyinte nyo Tïlil kutïng pö Paran kulum ororyenyi wölnö le yïmwöy, akïghömï salatenyi ngwïny.

SAKARIA 10:5

Petïtoy akonga pipö Yuda le nyökon pö lïk. Tïkyini ngwïny pungkökwa le norayon ompö or. Poryot lenyoni ompöwölo mi ECHOTYON nko chane Rïntoy ntökïwir arasï poryeghikwa cho pegho angoletin.

KINONO KIRURUT 17:16

Merokonye kïtösyï kegh pöytoghintö angoletin anta yonta pich kïpa Misri kïrongwï angoletin atökïtas, ompöwölo kilenchokwa ECHOTYON, ‘Momïlonchenö ngat koronini.’

KINONO KIRURUT 20:1

“Ato apekwa oporyö nko pungkökwa asïwa angoletin nko nkaritin nko pipö lïk cho chang kïtïl chikwa, mawagh pïchoni, ompöwölo mi nko akwa ECHOTYON Tororötïnkwa nyo kimïtunenokwa koro Misri.