ISAYA 30:30 - PIPÏLIA

³⁰ Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 30:30 ပူးပေါင်းရင်းမြစ်များ

AYUPU 38:22

“Kilïtönyi wölo kïrorchini powöy anta kisïwenyi wölo kïrorchini takarïs

AYUPU 38:23

cho kyaroran kïpöyit asispa nyarïl, kïpöyit asispa ryöpö nko poryot?

AYUPU 40:9

Itïngönyi owesyö le Tororöt? Imukenyi porore ompö kut le Tororöt?

TUMWÖY 2:5

Atolapay kïchil chane ompö nörekyö akwotyeghö ompö sïngiryenyi akïlö,

TUMWÖY 46:6

Mïghyot puntonï akïpotonchö pöyunötinö, wölo kötïl Tororöt kunyit ngwïnya.

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

WUWÖT 15:16

Köchïnchï chane nyarïl nko mïghö, kösisyö chane le muntïruch otini kisïwa owesyengu, we ECHOTYON, ntökïtenö kuwer piköku chay kisörunenyi sekeynön.

WUWÖT 9:23

Kughïtö Musa lïkïnyi kutang yïm. Kiyonï ECHOTYON kighumöt nko takarïs akïrökwï ma kungwïn ngwïny.

WUWÖT 9:24

Kiropan kïchïnu takarïs akuryal yïmö le ma. Kitomönye kïmito cho lata choni otini kitor koro Misri nko ye.

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

ISAYA 10:26

Ani, ECHOTYON Kimuktoghin nyo onyörilöy kong chane kïle pörsyonanya pö pipö Midyan ompö ghatya Sinay. Onyörilan kong Asirya kïle wölanya kyadan Misri.

ISAYA 10:5

Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 28:2

Akwanyï tïng ECHOTYON chitö anka nyo le nyakan akwawes, nyo mito kïpsach kïporyeghö chane, chi nyo ngwïnöy le takarïstin, nyo lata rop nyo ipu chepkiriri, nyo lata puseryon nyo awes nyo kighömï kor kïmïkul.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 30:29

Wölo ongörekyokwa cho ochï pipö Tororöt, atum le wölo odokwa nangat ato kyomöy akor nyo tïlil. Ongörekyenö le pich cho kutöy pkurerun akïpetöy kïpustoy Kö pö ECHOTYON Tororöt nyo le ghetöy Israel.

ISAYA 30:31

Otyot tya pipö Asirya atoni lïmöy kuti ECHOTYON nko nïkisïnto kichopatenyi.

ISAYA 31:4

Ompöwölo kilenchanïn ECHOTYON, “Kïrkegh köriryö kiyokwïyi kyak akuteghyö lö ne, kïmemuköcha ntökwotyeghö ngötïny kupertegha pentanyi nyo kötïgh. Lata nyoni tïkwïl ompö ani, möminye chi nyo körtonanïn, tömakartan kutïng pö Sayon,* ochan ECHOTYON Kimuktoghin.

ISAYA 32:19

(Wölo ropönchini takarïs wölo le wudïn atökengany kanasyante lö tawanka.)

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 4:6

Körtegho ororyenyi kanasyantanoni kilayat atole pöghet, akïrip kïlïkwï ato ghïpchegho pich akï tïghume ompö chepkiriri nko ompö rop.

ISAYA 51:9

Ngeta, we ECHOTYON aisörwecha! Pöghisyeghenö owesyengu tesörwecha, pöghisyeghenö le ato kipöghisyeghenyi otini le awïyay. Mö nyi nye so nyo kitörotör Raap, tyonyanya wow kimi pögh kïlïkwï mïnchïran?

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 62:8

Kam ECHOTYON muma nyo ngwan, ay, kam nyinte muma ompö ewunyi nyo pö tagh lö, “Melö totönan ngat paghekwa kïlïkwï omisyö pungkökwa amelö tökïgheghöy pich cho le to dipaykakwa,* cho kyonyorukwa ompö kighotikwo.

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

ISAYA 66:16

Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

YEREMIA 25:32

Lentöy ECHOTYON Kimuktoghin, “Arosa! Pusu meghat nyo wongöy koros. Itu chepkiriri, nyo kaghamïtuna kegh söremwok pö ngwïny!

ESEKEL 10:5

kelïma chöghöto köpepoy pö kerupim kiror, cho kighumöy le kuti Tororöt Kimuktoghin otini kangalan.

ESEKEL 13:13

Kïlenyona lentöy Echotyon TORORÖT, otyorunan ilat nko takarïs ompö nörekyenyan tökuwurta nayatunï.

YOEL 2:5

Lenye kighumötengwa kighumöto nkaritin, otini kenkor kunkorchï kutïngkot walisay, töltolöy le lyopöt nyo pelöy awawatyan lenye lïk nyo körom nyo kikïtïng.

AMOS 1:14

Kïlenyona otorenan ma nayatu Rapa, atökïnagh wölo ghupo kegh. Kïlïmöy asisoni rira nyo pö poryot, ngwonitu porye le köromnyo chepkiriri.

MIKA 1:4

Wonyot kutïngkotï lö pïchïchïchi ompö kelyechi, yiyöy tömköy le tömönchö nyo köwochï ma, kuyinta le pögho chepsurur.

MATAYO 24:7

Ompöwölo setyini kegh puntonï akïporyö pöytoghi pöyunöt anka nko pöyunöt anka. Itu kömeywok nko potanata ngwïny ompö woptin löwïr.

LUKA 1:51

Kiporï owesyenyi nyo mamïnïng akutoytoyö menot

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

YOSWÖ 10:10

Kikwangkwang ECHOTYON chane ompö tawu pipö Israel. Kïpar pipö Israel chane ompö pörsyö nyo wow ompö Kipyon akïyon kïpusta ara Pet Oron akïparata ntökwitïta Aseka nko Makeda.

YOSWÖ 10:11

Otini kiryagha tawu Israel, kirurtoy Pet Oron, kïropönï ECHOTYON koghi takarïs cho echön ompö yïm cho kiparata chane ntökwit Aseka. Kïmeghö chane cho chang ompö takarïs kïtïl cho kipar pipö Israel chok.

NGONGUT 1:15

Kilata kelyechi taghoy cho kikïsit nyoman, le cho kikisïta ma kïtïlilöchtu, kikarkegh kutinyi nko kiwumöto puseryon.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

1 SAMWEL 7:10

Otini kimi Samwel kutötoy amörosnay, kïrikwï pipö Pilisti atökïporyeghö pipö Israel, wölo kuteghchï ECHOTYON pipö Pilisti ompö tïlöt nyo wow, nyo kigh chane asisoni kïkwongkwongisyö. Kirïnta pipö Israel chane.