ISAYA 30:27 - PIPÏLIA

²⁷ Kïsöchini owesyö ECHOTYON nko ororyenyi wölo low. Poru man nko ighot nörekyenyi. Ngölonu nyinte, kïwöghökisyö ngalechi kïpelsyö.

ISAYA 30:27 ပူးပေါင်းရင်းမြစ်များ

TUMWÖY 79:5

We ECHOTYON, tenörekenyi so kokay? Ngwonitu köromnyengu nyo pö sastagh le ma kokayï?

ISAYA 10:5

Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 13:5

Pkono chane koro wölo lowöch, wölo teno sörömu ngwïny. Ngwïnöy ECHOTYON ompö nörekyenyi kuwuröy ngwïny kïmïkul.

ISAYA 33:12

Ochïntokwa le koghïn cho kakïpel atökegh kïlïkwï choka, akarkegh nko kato cho kakïpel kïlïkwï aryon.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 34:9

Wöghökisyot lalwatïna Edom kïlïku manka, akïwaghaka nyïngwïtyante kïlïkwï koghïn cho nöghsot. Akïwöghöko kore kïmïkul kïlïku manka nyo nöghöy.

ISAYA 43:2

Ato awerakwa pögh cho chang omitan nko akwa, mörïntonekwanye kömpölelutkökwo nyonikïny. Ato awerakwa ma, möpelokwanye. Medonekwanye kïgh tyomut cho ngwonöch cho onyorunekwa.

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

ISAYA 9:5

Kïpelo ma kwegh pö lïk lömïs, nko sïro cho kiperchï kisön.

YEREMIA 4:4

Akwa pipö Yuda nko Yerusalem, otïlilö kegh ompö tawu ECHOTYON, achïrtena sïmnyon ompö mïkuliskökwo, tömanarekan ompö nörekyö nyo ngwan lakat, nyo nöghöy amemukönye chi kumis. Onörekan lenyoni akwompö ighisyewutkökwa cho ghach.”

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

DANIEL 7:10

Kiyinuna champilwa ma tawunyi. Kïpka pich cho chang cho kipöghisyechï nyinte. Akughyongö tawunyi pich cho makïrar. Kutor kokwö kurwoch, kengany kitapun.

DANIEL 7:9

“Otini kitorosan, ketat ngöcherwo paytagh, kïtöpö nyinte nyo kisöpöy kïngata könyisyok ngacharunyi. Kirelach sïrokachi löka, kïrelach putechi löpöt. Ki lyopöt ngacharunyi ki ma nyo kinöghöy kelye.

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

KINONO KIRURUT 32:22

Nöghöy nörekyenyan le lyopöt, akïnaghata ntökwit ngwen, pelöy kïgh anka tïkwïl nyo mi ngwïny, akïpel pchörino kutïngkot.

KINONO KIRURUT 33:2

Kingwïna ECHOTYON kutïng pö Sinay, kipusuna Edom le asis akulïwchï pikachi kïngetunö kutïng pö Paran. Kimi nyinte nko malayken cho makïrar akimi ewunyi nyo pö tagh lyopötö.

KINONO KIRURUT 4:24

ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.

2 TESALONIKE 2:8

Atolapay kengongwï Mwokïyontononi, wölo ato itï Echotyon Yeso kïtïgho nyinte kimungöteto kutinyi akunyar ompö kwörkwöryeto rumunötenyi.

EPRANIA 12:29

ompöwölo ma Tororötïncha nyo pelöy lömïs.