ISAYA 30:21 - PIPÏLIA

²¹ Ato imastenyi or iwö ewu tagh anta nyo pö löt, ilïmenyi kut nyo mi lötungu nyo lentöy, “Anyï ore. Rïpa.”

ISAYA 30:21 ပူးပေါင်းရင်းမြစ်များ

2 PÖYTOGHÏ 22:2

Kigh Yosia nyo karam ompö tawu ECHOTYON. Kirïp otöpto kwanta pöytoghin Daudi. Melö kipïstö kirurut pö ECHOTYON nyo le ompö akonga.

TUMWÖY 32:8

Lentöy ECHOTYON, “Oporunyi or nyo irïpenyi. Orurinyi akamaninyi.

NGÖTÏNYÖ 4:27

Memasta itang ewu tagh anta nyo pö löt, imala kegh ghöyityö.

ISAYA 29:24

Netöy kegh pich kïsïku kïgh cho kitosonchö mïkuliskökwa, akïtach kinetut pich cho ngwïrngwïronöy kïtenö osis.”

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

ISAYA 48:17

Mwoghöy ECHOTYON, sörunintenkwa, Tororöt pö Israel nyo Tïlil lö, “Ochan ECHOTYON Tororötïnkwa, nyo netokwa atonyorunö kinyiwut, ontöghoghwokwa arïpa or nyo mïchini.

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

YEREMIA 6:16

Lentöy ECHOTYON, “Oghyongenö ato keryama ortïna, atopöntö, atepa keporwok ara könyisyok nyo karam. Arïpakwa nyu aranoni topöghisyenö ompö kalya. Wölo kölö chane, ‘Ewo, mökïrïpechanye aranoni.’

KINONO KIRURUT 5:32

“Kïlenyona orip nyu lenyoni kimwowokwa ECHOTYON Tororötïnkwa. Mamasta kamas nko kamas

YOSWÖ 1:7

Wölo ichïchïm ainyakanitï tya, ateripö airïp kirurut löwïr cho kimwowunyi mötworintenyan Musa, mepeny ompö or anka tïkwïl löt, atökesoyönïn ompö wöloni iwestegho.

YOSWÖ 23:6

Kïlenyona orip kegh, akaman agh tïkwïn löwïr cho kirote ompö kitapu Kirurut* pö Musa amamasta kamas nko kamas,

1 YOANA 2:20

Wölo kikuyilekwa Nyinte nyo Tïlil, kïlenyona kyonkïtukwa löwïr man.

1 YOANA 2:27

Wölo mi nko akwa Mïkulögh nyo Tïlil nyo kikïmïlwokwa Kristo. Akwato töpö Mïkulögh nyo Tïlil orinkwa kïmelö totïngetenökwa machat nyo pö konetin anka. Ompöwölo netokwa Mïkulöwunoni tïkwïn lapay, akï kïgh anka tïkwïl nyo netöy nyinte kïpö man, melö putintön. Arïpa nyu kinetut pö Mïkulögh nyo Tïlil atïpï orito Kristo.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.