ISAYA 30:17 - PIPÏLIA

¹⁷ Oryöghekwa kïrkegh kochikwa nyïgwïtyan akonga ompö punyon akonga, akumuköy pung cho le mut ntökutoyokwa kïmïkul. Möngötunye kïgh nyonikïny nyo pö askarinekwa, kïpoto ket nyo mi kutïng nyo kiwusyini pentera!

ISAYA 30:17 ပူးပေါင်းရင်းမြစ်များ

NGÖTÏNYÖ 28:1

Pertoy mwokïyon kïrkegh melö kayon chi wölo nyökon pipö man le ngötïny.

ISAYA 27:11

Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

YEREMIA 37:10

Akï kïrkegh alotakwa lïko Papilonia ntökelö pich cho le kot opïn cho köngötï kïghïtegho emenikwa, wölo ngetyot choni akïpela ma kanasyantanete kïnagh lö tïtu.”

LOK 4:19

Ki pïrtït pungköcha kïtïl sichtin cho mïröy yïm kiyonotecha kepusa kutïngkot, kimirecha akupulchecha ompö surkwen.

LAWIN 26:17

Onörekyinokwa akïparakwa pungkökwa, chane chona reyokwa kïpöytonekwa. Okörköritukwa nyo oryöghekwa kwïle kïrkegh melö kayonokwa chi.

LAWIN 26:36

“Oghan chane cho köngötu kïnyökoritu ompö koreto pungkökwa. Ryöghöy chane ato chögh sökon le chi nyo rïpo poryot. Akupïtyot kïrkegh melö kayon chi.

LAWIN 26:8

Omukekwa pich cho le mut ntayon pich 100, kïyon pich cho le 100 pich 10,000 akuwonyö nyu pungkökwa ompö ngot.

AMOS 2:14

Wonyegho nyinte nyo rïpöy kirïpötö akupotö owesyo nyakanat amemukönye chi nyo awes tökïnyorï kegh.

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.

RUMI 11:17

Wölo ato kïtörtö mori orolwo par walaka akenomchï mori orolwo wuw otinö kömi mori orolwo par. Alatekwanyu pipö punton mori orolwo wuw nyo kakinomchï orolwo par, atachagha kisoyönut pö mïkulögh nko pipö Yaudi.

KINONO KIRURUT 28:25

“Töni ECHOTYON pungkökwa owesyö nyo rïntonokwa. Opokyinekwa chane ompö söpïch, wölo otoytoyonekwa ompö anka tïkwïl. Otyot nyu ngwïnya kïmïkul ompö kïgh nyo kegha ompö akwa.

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

YOSWÖ 23:10

Yonöy chi akong ompö akwa pung 1,000, ompöwölo ECHOTYON Tororötïnkwa nyo poryewokwa, le otini kiyomisokwa nyinte.