4 Ighöy ECHOTYON karachïna cho tökïle sölwöy kïpayta pich.
Kilïkwï Manase pöytoghin ato kitïng könyis taman nko odeny, kïpayta könyis 55 ompö Yerusalem.
Kitor Yoas kïpayta ato kïtïng könyis mut nko sömök akipayta könyis 31 ompö Yerusalem.
Kitor Sedekia kïpayta kïtïng könyis 21 kïpayta könyis taman nko akonga ompö Yerusalem.
Kitor Yoaas kipayta ato kïngeto könyis 23 kïpayta aro sömök ompö Yerusalem.
Kïtor Yeoyakim kïpayta ato kitïng könyis 25 kïpayta könyis taman nko akonga ompö Yerusalem. Kigh nyinte ngokï ompö tawu ECHOTYON Tororötïnyi.
Kitor Yeoyakin kïpayta ato kitïng könyis mut nko sömök. Kïpayta aro sömök nko osis taman ompö Yerusalem. Kigh nyinte ngokï ompö tawu ECHOTYON.
Heywey nyi kor nyo tökïmonïng pöytoghintengu, akwomöy yetïntineku ichon kïyech!
Reyöy monïngo piköchan akïpöytoy korï chane. Heywey pikachu, kopïsikwa kintöghoghikwa kïlïsakwa, amelö tonkïtunekwa wölo otöngöy.
Lentöy ECHOTYON, “Arose köny wölo nisonchot koru Yerusalem kïlïkwï! Syolöy chane sörunöyikwa otini pestoy, akïmi kïngölono konyïn, pestotoy ompö kinisanat tökelïm karïn cho chöghsot cho kilïwo aghisay atay le kutïng nko cho chöghyegho kowo monion.
kïmi nko echotkökwa cho pö lïk nko kintöghoghi kokwotïn kïmi nko pipö siasa nko chi anka tïkwïl nyo le werkoyon nyo rosöy kwanyan nko chesoköytin cho ngöghomöch lasiny.
Kinörekyï nyu tya ECHOTYON pipö Yerusalem nko Yuda ntökïtenö kutulö chane tawunyi. Melö kirïp Sedekia le wölo kimöktoy Nepukadnesa, pöytoghinto Papilon.
