ISAYA 3:14 - PIPÏLIA

¹⁴ Ipchini ECHOTYON kirwok poy nko kintöghoghiko pikachi. Rwokyini chane atoni lö, “Akwa cho kyam parenyan nyo pö sapipun, kakïnyorchï tïpö mey korikwa cho kyoritökwa.

ISAYA 3:14 ပူးပေါင်းရင်းမြစ်များ

AYUPU 22:4

Ilentenyi so rwokyininyi akï munginyi Tororöt, lö ompöwölo iwöghenyi nyinte?

AYUPU 24:14

Ngetöy pörin kïtökïtuw atökïpar mey nko cho le chopot akïchorsyö ato le oghö.

AYUPU 24:9

Mi pich cho chengo mnyarkil nyo le panan kame akïcheng kïnama pösöntanyi.

AYUPU 34:23

Ompöwölo melö nömchini Tororöt chi osis cho kirwokyinegho ompö tawunyi.

TUMWÖY 10:9

Syepöy nyinte pich le ngötïny. Syepöy nyinte atökïnam mey. Nömöy chane ngöghöpunyi akuchut.

TUMWÖY 14:4

Möpköchinicha so kïgh mwokïyis? Omöy chane piköchan le makatin akïmösoghöcha ECHOTYON.

TUMWÖY 143:2

Merwokyï mötworintengu, ompöwölo möminye chi nyo pö man ompö tawungu.

NGÖTÏNYÖ 30:14

Mi pich cho ngötipöch kelat le chokon cho karkegh kelekwa nko rotwoy, cho wonyo mey ngwïny lömïs, nko cho le chopot ompö kwenu pich.

ISAYA 10:1

Heywey! Ochech pich cho chikyini pich kiyomisut cho melö pö man nko kikirï cho kiru ngal cho rïmöy piköchan!

ISAYA 10:2

Kachengakwa ompö aranoni pich cho le chopot tömösïch mantangwa, amasekwa piköchan cho le mey mantangwa. Kachengekwa ompö aranoni tïpö mïsïktin nko cho pö pönon!

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 14:30

Lïku ECHOTYON mösöwonteto pikachi cho le mey, akïrip chane kïtïpï ato tïghume. Wölo töni nyinte pipö Pilisti kömöy nyo ngwan, amelö pïsyini nyo le ompö akonga ompö chane kïsöp.

ISAYA 26:6

Mi ye nyu pich cho kikireyöy kïtïkotoy tïkotoy pönon nko mey kanasyantanoni.

ISAYA 29:19

Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.

ISAYA 30:12

Kïlenyona mwoghöy Tororöt pö Israel nyo Tïlil lö, “Ompöwölo kasasakwa ngölyon nyo omwowokwa, akön masat nko lïsat.

ISAYA 5:7

Israel nyo le para ECHOTYON Kimuktoghin, akï pipö Yuda cho le keti sapipun cho kikatkat nyinte Kikönöy lö ighöy chane nyo karam, wölo kïmïltegha kisön pungkökwa, akwigh kungeyö kïyöröy keghchï man.

ISAYA 58:4

Keghakwa kïruratenkwa nyo pö saghat alïkuna pich cho köwköw cho le syölï akï poryeghï. Olentekwa so ighanïn kïrurata nyo lata nyoni alïman sowutkökwa?

YEREMIA 12:10

Kewur pöytoghi punton cho chang parenyan nyo pö sapipun katyakatyak kunyar parenyan nyo pïchigh, ntökwanyï ye kalïkwï surkwen.

YEREMIA 5:27

Kïle wölo kinyïghï köröpon töritwo cho kakïnama ngöghöp, kï kinyïghï tïkwïl korikwa tïpö mïrwos, nka nyï nyu kalïkwï chane pich echön akï sïkön,

ESEKEL 18:12

Akïpïr pich, akïlïkwï chi nyo le chorin amelö ghoktoy pösön, chi nyo soghöy körkeyïntin kusïmnyonöy kegh.

ESEKEL 20:35

Opkwokwa nyu surkwen pö punton arwokwokwa konyïn.

ESEKEL 20:36

Lentöy Echotyon TORORÖT orwokyinokwa le wölo kyorwokyan papotïnekwa ompö surkwen pö koro Misri.

LAWIN 25:14

Ato iolchï pöröryengu par anta iyala nyinte, kï mïchini oghchinö kegh nyo karam.

LAWIN 25:17

Moghchï kegh nyo gha, wölo okonyït Tororöt. Ochan ECHOTYON Tororötïnkwa.

AMOS 2:7

Pich cho pïröy pich cho memuktocha kegh, atolapay kïmas mey mönyorï mantangwa. Ghömechini chi nko werïnyi kurïwotoy korka nyo le mötworin, akusïmnyon kaynenyan nyo tïlil.

AMOS 4:1

Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.

MIKA 2:1

Heywey chane cho ighöy ngokï akïtat wölo idoy ghöyityö nangat ato ruyot pöröyonikwa. Tökwigh asïyech otini kayech ompöwölo mi owesye morikwa.

MIKA 2:2

Pïrchini pareni pich akïcheng lenyini, pïrchini korïn akïchengchï kegh, ghopghopöy pich nko monekwa akïsara tïku.

MIKA 3:3

Omekwa piköchan kïsopchot achïr önto chi kïsatate arïngarïng koye kïlïkwï mïtïkan atolapay otörotör le pempö tör.

MIKA 6:10

Tïng mwokïyis tïkwïn ompö kaplawachtinekwa cho kinyorï ompö ara putintön lilanïn kïgh nyoman.

MATAYO 21:33

Kïlenchï Yeso pïchay, “Atere körkeyïntö anka. Kimi chi nyo kitïng parenyi nyo kikatkat sapipun, kuwach kasar kuwit kïtek wölo kïpïro sapipun kïlïkwï dipay* kïtek kïtar atolapay kumönokyï pich kingor akïrutö kor nyo low.

YAKOPO 2:6

Wölo kasasakwa mey! Melö so sïkön chay pïrokwa akumïtakwa ka kirwok?