ISAYA 3:10 - PIPÏLIA

¹⁰ Omwochinö pipö man lö ongörekyenö, tenöy ngala ompö chane, ompöwölo ngörökyini chane akweko ighisyewutkökwa.

ISAYA 3:10 ပူးပေါင်းရင်းမြစ်များ

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

TUMWÖY 58:11

Lentöy nyu pich, “Nyoman nyoru pipö man ropöwon! Nyoman mi Tororöt nyo rwokyini ngwïny.” Ompö kintöghoghinto tumï. Kïrïp kegh nko tum pö “Menyar.” Tum pö Daudi, otini kiyoktö Saulö pich kusyep ompö katanyi atökïpar.

WUWÖT 1:20

Kwighchï Tororöt kamatichay pö echen nyo karam. Kïchangit pïchay akïtasa owesyengwa.

NGÖTÏNYÖ 10:6

Nyoru kisoyönöt chi pö man, wölo körtoy ghöyityö kuti mwokïyon.

NGÖTÏNYÖ 12:14

Pïghyongoy chi köromnyö ompö ngalechi nko ighisyenyi akeyokyini chi pöghisyewutko morichi.

NGÖTÏNYÖ 13:21

Rïpotoy ghöyityö mwokïyis, wölo kikerchini pipö man köromnyö.

NGÖTÏNYÖ 18:21

Tïngeto ngalyap owesyo meghat nko söpon, pich cho chömöy kipöghisyegho kinyoru cho mïchini.

OMTOGHIN 8:12

Kïrkegh kegh mwokïyon ngokï cho makïrar akïsöp nyo kogh, wölo onkïtön ighisyot nyo karam ato le löt ompö pich cho mwoghöy Tororöt ompöwölo wöghöy chane nyinte,

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

YEREMIA 15:11

Nya kwamanïn chïpötengwa, we ECHOTYON ato melö kyopöghisyewunyi nyo karam nko ato melö kyasaghinyi lö ngaraka pungköchan ato kinam chane nyarïl.

YEREMIA 21:14

Kamwaghan ante ECHOTYON lö, Opelonan kayoni pö pöytoghin ma kuwit opelonan ma nyo metukönye kïgh anka tïkwïl.”

YEREMIA 22:15

Ayo, ilentenyi so kalïkwï pöytoghin nyo tïlöy walaka, ompöwölo ketekenyi kongu tarakit? Kigha ne tökwomisyö akïgheghsyö papongu nyo karam? Ompöwölo kigh man ompö or nyo karam. Nka nyay kilet tagh ngalechi nyo pïchigh.

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

ESEKEL 18:20

Meghöy nyo mötïny chi nyo ighöy ngokï, melö omöy weri ngokiko kwanta anta am kwanta ngokiko weri. Rïpotoy man chi pö man kïrïpata ghoghityö chi nyo gha.

ESEKEL 9:4

akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”

MIKA 7:13

Lïku korö kïratyan ompö ngoki pich cho möngöy ori.

SEPANIA 2:3

Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

MALAKI 3:18

Pkönchinokwa nyu ngat asisoni lö mi sisïn kwenu pipö man nko mwokïyis nko kwenu chi nyo pöghisyechini Tororöt nko melö pöghisyechini.”

LUKA 19:19

Kïlenchï, ‘Opïsunyi ghyongtenö kanastin mut.’

KINONO KIRURUT 12:25

Ato molïwökwanye kï koghchikwa ECHOTYON ki pö man, tenöy nyu osiswekwa nko cho pö monekwa.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.