ISAYA 28:1 - PIPÏLIA

¹ Heywey! Wechï kawir paytaghpa Israel. Kösilön ororyö nyo kötïng kintöghoghikwa cho tömesyot le tapïkoy cho kösilonchö. Kinyita mötöwekwa mwagh nyo ngutoy nyo karam, wölo achona chane rusot, kimeghö ompö tamasat.

ISAYA 28:1 ပူးပေါင်းရင်းမြစ်များ

2 PÖYTOGHÏ 15:29

Kungwïn Tikla Pileser pöytoghinto Asirya osiswechoni kipöytoy Peka akïnam kanastina Iyon nko Apel Pet Maaka nko Yanoa nko Kedes nko Asor nko Kiliad nko Kalilaya nko Naptali akïrang pikö kïlïkwï ratanpa Asirya.

2 OTÖPTINO OSIS 28:6

Kipar Peka wero Remalia asis akonga mïrön pö lïk cho le nyökon 120,000 cho pö koro Yuda ompöwölo kipïstö chane ECHOTYON Tororöto papotïnekwa.

NGÖTÏNYÖ 23:29

Pö ngo rirata tangany? Akï pö ngo rirata kötogh? Ngo nyo tïng syala? Ngo nyo tïng ngwïrngwïronöt? Ngo nyo pïröch konyïn?

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

ISAYA 5:11

Heywey, ochech pich cho ngetöy nyini le kiwasan tökïyarata kumïn, cho gheghsïyi ntökïpölolön oghö ntökïtömesyö lasiny!

ISAYA 5:22

Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,

ISAYA 8:4

Ompöwölo ghömïtöy pöytoghintö Asirya Damaska kïmïkul nko pöröwo Samaria löwïr kïtomö kumï monïngoni kïmwa lö, ‘Yoyo,’ nko ‘Papo.’ ”

ISAYA 9:11

Kïlenyona, ketö ECHOTYON sirmoy pung pö Resin tökïporyeghö chane.

ISAYA 9:8

Kiyokyï Echotyon ngölyonto kirwoköt pipö Israel, pïchoni pö ara Yakopo.

ISAYA 9:9

Nkïtu chi anka tïkwïl nyo pö Israel nyo möngöy kanasyanta Samaria lö kegh nyinte kïyoni. Kwolöy kegh chane otï le ye akïmen lö,

OSEA 4:11

Lentöy ECHOTYON, “Nyoröy dipay* cho pö köny nko cho relach pich mötöw!

OSEA 5:5

Rumu lötok menotöno pipö Israel nyo tïng chane, ighöy ngokikwa chane kupïtsot akwigh pipö Yuda tïkwïl kupïtyö nko chane.

OSEA 5:9

Itu ato omungan pipö Epraim akïwïröy kore kïlïkwï surkwen. Onkïtunö nyu pipö Israel lö oghan lenyoni nyo mötïny!

OSEA 6:10

Kasïwan kïgh nyo gha nyoman ompö Israel, kipïstanïn piköchan akïpa kïsaghata körkeyïntin. Nyo kesïmnyon kegh pipö Epraim.

OSEA 7:5

Kigh chane pöytoghin nko yetïntin kitömesyö, ompö asispa ichon pö pöytoghin akwigh kïlïkwï sölwöy ompö kumïn.

LAWIN 26:19

Onyornyoran owesyonï owulokwa kegh akupot rop akïyam korenkwa le ghat.

AMOS 2:12

“Wölo aghakwa nasirin kïgha dipay, amwochikwa werkoy lö, mongorsyö.

AMOS 2:8

Ompö wop tïkwïl wölo kïpelo amöros, sïsïnöy pich sïro cho kasara mey, akepöghisyeghö kemanga pösönut. Gheghsyegho Kö pö Tororötïngwa* dipay* cho kichenga pich cho kitïng pösöntinekwa.

AMOS 4:1

Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.

AMOS 6:1

Heywey akwa cho kyakalyan ompö Sayon* nko pich lentöy kikïlalyan ompö kutïng pö Samaria. Akwa pipö Israel cho echön cho sorokwa pich.

AMOS 6:4

Ochech akwa cho oruyot pöröyis cho kikigha kela pelöw aghïteghö kegh sopen, amöy panya mökol nko mogh!

AMOS 6:6

Akïghegho dipay* pakulin akuyila kegh mwowöy cho ngutoy lö pïlpïlpïl. Wölo melö syonöy kinyarata Yosep.

AMOS 6:8

Kikuwalwal kegh ECHOTYON, Tororöt Kimuktoghin lö, lilanïn menöto pipö Yakopo töghanïn kisön wölo lentöy aghïgh otötonan nyu kanasyantengwa nko kïgh anka tïkwïl nyo mi ori.