ISAYA 27:8 - PIPÏLIA

⁸ Kichop kong ECHOTYON pikachi otini kiranga chane korengwa akwigh kïlïkwï pïnot. Kiranga chane yomat nyo ngwan nyo kikutuna kongasis.

ISAYA 27:8 ပူးပေါင်းရင်းမြစ်များ

AYUPU 23:6

Ayo, muköy so kumölenanïn wowïnto owesyenyi? Ewo, wölo kötö terwanïn.

TUMWÖY 103:14

Ompöwölo nkït porwoyicha wölo kikida, nkït lö kïchicha terïtyon.

TUMWÖY 103:9

Melö syölöy kïnomnyö, anta syala nyo kogh

TUMWÖY 38:1

Mesyölchante, we ECHOTYON, ompö nörekyengu amechopante kong ompö kililatengu!

TUMWÖY 6:1

Mechilante, we ECHOTYON, ompö nörekyengu, anta ichopanïn kong ompö sïngiryengu.

TUMWÖY 76:10

Wöghöko nyo mötïny nyölotyo pich kïsölinyi, otini kerötyinyi mu nyölotyengu nyo pö söröm.

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat

ISAYA 1:5

Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

ISAYA 54:7

Kyopïstinyi nyo tangogh pat, wölo oyokunyi kaw ompö chomnyogh nyo wow.

ISAYA 57:16

Kyotönön pikachu söpon amelö toletan tagh orwokyini chane anta anarek nko chane kokay.

ISAYA 64:5

Itokenyi pich cho ngöreksot otini ighöy tïkwïn cho pö man, chane cho nonöy wölo imöktonyi chane kïtïpisot. Kinarekanyi ompö acha, wölo kikiletacha tagh kegh ngokï, kïrkegh kinarekanyi lö ne, wölo kikïtasacha tagh kegh tïkwïn cho ghach. Kïngeta otini le awïyay.

YEREMIA 10:24

Mungecha we ECHOTYON ato kïtosonchecha, wölo melö ompö sitöt nyo ngwan tya amelö ompö nörekyengu, tömökiwonyecha lökïr.

YEREMIA 30:11

Ompöwölo omitan nko nyi, tosörunyi. Owonyan lökïr koros löwïr cho kyotoytoychekwa. Momungïnyinye tya ntewonyö wölo inyorunenyi kïnye sitöt nyo mïchinote.” Mwoghöy ECHOTYON.

YEREMIA 4:11

Kïlenchini asisoni pipö Yuda nko Yerusalem, “Ngwïnchini piköchan yomat nyo layate nyo ngwïno kutïngkot cho mi surkwen. Amelö yomonay kutïtoy morïr anta nyo seröy tïkwïn,

YEREMIA 4:27

Ompöwölo lentöy ECHOTYON, “Lïku korö kïmïkul surkwen, wölo motïpanye lömïs.

YEREMIA 46:28

Mewöghisyö we Yakopo mötworintenyu, ompöwölo omitan nko nyi. Owuran lömïs koros chona kyotoytoychinyi, wölo mowonginyinye. Amelenchï kegh opïstoninyi momungïn, wölo omunginyi kïrïp kegh nko lelutyengu momungïnyinye tya.” Mwoghöy ECHOTYON.

LOK 3:31

Melö pörchinecha patagh Echotyon kokay.

LOK 3:32

Muköy nyinte kwighecha kelokyenö wölo syonchinecha ompö chomnyenyi nyo möngötönye.

ESEKEL 19:12

Wölo kingagh sapipunay ompö nörekyö akewirchï ngwïny. Kïkut yomo kongasis kïyam, kïmïrisyö morinkachi, akepela ma kuwonyö.

OSEA 13:15

Wölo ngwïnöy yomo ECHOTYON nyo ngwïno surkwen nyo ighöy koriko pöghechi kïtenyö, akuwany pögho kompa pöghechi, nko kaplawachtanyi lödo.

OSEA 4:1

Atera ngölyonto ECHOTYON, pïchï pö Israel, ompöwölo tïng ECHOTYON kigheghchin ompö pïchï möngöy koronï. Ompöwölo mökïminye man anta kisyonöt anta sïkunöto Tororöt ompö koronï.

1 KORINTO 10:13

Möminye tyamata nyo itwokwa nyo sis nko nyo nyoru chi anka tïkwïl. Ghanate Tororöt amelö pïsini nyinte ketyömokwa kïtïl owesyenkwa, wölo konokwa tïkwïl owesyö kïmi nko tyamatanoni nyo omïkuköno nko or nyo ochïwïto atamuka oghyongtenö.

1 PETRO 1:6

Ongörekyenö ompö ngölyontononi, kïrkegh kötomitenökwa otï le ye lok ompö osis cho ngörï akwompö työmut cho chang cho sisinchö cho onyorukwa.