ISAYA 27:3 - PIPÏLIA

³ “Oripan parenyu, apïsö pögh kïnomnyö, kïnomnyö, arip nangat nko pöghet, atömengwïn chi kunyar.

ISAYA 27:3 ပူးပေါင်းရင်းမြစ်များ

TOWUNÖT 6:17

Opunan puseryon nyo lumöy kor kïmïkul nyo tïghöy tïkwïn löwïr cho sötote cho mi ngwïny.

TOWUNÖT 9:9

“Oman ye mumenyan nko nyi nko pich cho rïpkokwa

1 PÖYTOGHÏ 8:59

Osoghan ECHOTYON lö, tötïpï ngalechï pö saghatenyan tawunyi pöghet nko nangat, asoghan ngat lö tesyonchï nyinte pipö Israel nko pöytoghintengwa ompö möchutkökwa cho pö osis löwïr.

TUMWÖY 46:11

Mi ECHOTYON Kimuktoghin nko acha, Tororöt pö Yakopo nyo le köpönencha. Ompö kintöghoghinto tumï. Tum pö werpö Kora.

TUMWÖY 46:5

Mito Tororöt kanasyantanoni amemukonye ntöketimtim, ngwïnöy Tororöt kungöroköy otini le kiwasan.

ISAYA 31:5

Oköran kegh nko tarit nyo yentoy warechi ompö panchenyi, kïlenyoni wölo okörtonan ECHOTYON Kimuktoghin kanasyanta Yerusalem.”

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

ISAYA 46:4

Ochan Tororötïnkwa akomönokwa, ntökïtenö angaghakwa karwal. Kyaghakwa aripokwa, ongörokokwa asörwokwa.

ISAYA 46:9

Anana kïgh nyo kigha otini le könyisyok, acham lö ochan Tororöt akï möminye anka nyo kikongityot nko ani.

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

ESEKEL 34:11

“Kïlenyona lentöy Echotyon TORORÖT, owetan ante oyörotoy kechiryechu, ayakwïy ante.

ESEKEL 34:24

Alïkwan ante Echotyon TORORÖTïngwa, akïlïkwï mötworintenyan Daudi yetïntöngwa, ani ECHOTYON nyo kamwagh.

ESEKEL 37:14

Otöninan mïkulöwunyan kïtöpö nko akwa, tosöpchenö atönokwa korengwo, onkïtukwa nyu lö ani ECHOTYON nyo kamwagh, aghan lenyini.” Mwoghöy ECHOTYON.

ESEKEL 37:28

Kunkïtï nyu puntonï lö ani ECHOTYON nyo otïlilöy Israel otini mi Konyan nko chane kokay nko kokay.”

1 SAMWEL 2:9

“Ripöy pich cho ghönöy nyinte, wölo wonyechini cho ghach tuwïn. Ompöwölo möminye chi nyo muktoy ompö owesyenyi kegh.