ISAYA 27:13 - PIPÏLIA

¹³ Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 27:13 ပူးပေါင်းရင်းမြစ်များ

2 PÖYTOGHÏ 17:6

Kïnam pöytoghinto Asirya kanasyanta Samaria ompö könyi mut nko angwan nyo pö paytaghpa Osyea akïrang pipö Israel kïpa chela ompö koro Asirya akïpïsyï walaka kïmang kanasyanta Ala, kïmang walaka atolekïtö lalwa Apor nyo mi koro Kosan, kutö walaka kïmang kanastina pipö Mede.

1 OTÖPTINO OSIS 15:24

Tïsï cho kikutöy kontï ompö tawu Santuku Muma kï Syepania nko Yosyapat nko Netanel nko Amasay nko Sakaria Penaya nko Elieser. Kilïkwï tïkwïl Oped Edom nko Yeia ripi santukunoni.

TUMWÖY 47:5

Kapus Tororöt konyi akisölöy, kapus ECHOTYON akekutini kontin.

TUMWÖY 81:3

Akuta konti relïn pö arawa nko ato kighyö arawa, otini kyomöy ichon nyo wow.

TUMWÖY 89:15

Soyönote pich cho teghyot ompö ngörekyö, we ECHOTYON, chane cho pestoy ompö löpoyïn pö kisyonötengu!

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

ISAYA 18:3

Tera chi anka tïkwïl nyo imitö ngwïnyinï! Otini kasïwa machey nyo kakiporunö kutïng parak, otopön! Kïkany ato kïkut kontï, alïm!

ISAYA 19:21

Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 19:22

Töni ECHOTYON nyarïl pipö Misri, wölo sopöy chane ato le lötï. Wöghökyini kegh nyinte, akïterchï chane sowutkökwa, akusop.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 56:8

Kikuyomisï Echotyon TORORÖT nyo kimïtuna pikachi Israel kïpkana pïnotön, lö tökumïtu nyinte asïyech pikö walaka kïtuyö nko chane.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

YEREMIA 31:6

Pkonöy nyo mötïny osiswö cho kursïyi ripï ompö kutïngkoti Epraim lö, ‘Apkana kepe kepusa kutïng pö Sayon,* wölo mi ECHOTYON, Tororötïnyo.’ ”

YEREMIA 44:28

Wölo pich cho ngörï cho chïwïtyegho Misri akïmïlisyö kïpa koro Yuda. Atoni nyu ato nkïtu ngötunön choni pö Yuda lö ngölyonto ngo nyo nïkis, nyinyan anta nyingwa!

ESEKEL 20:34

Opunenokwa wölo mi pich aghamïtekwa apkanena koros chini kyotoytoyechikwa otini kyanarekan, awastekwa ompö charut.

ESEKEL 20:41

Ochömokwa nyu le ngutöwon nyo karam, otini kopkokwa apkanena koros cho kikitoytoychekwa aghamïtekwa löwïr, achaman nyu amörostinekwa atolapay oporunenokwa tïlilïntanyan ato kïsïwa puntonï.

ESEKEL 39:25

“Kïlenyona omwoghan ante Echotyon TORORÖT lö, omïtunan nyu pipö Yakopo kïpkana pïnotön asyonchan pipö Israel löwïr, alïkunan söstoghin ompö kaynenyan nyo tïlil.

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

OSEA 11:11

Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.

OSEA 8:13

Chömöy kutötoy amörostin, atökwam nyu panye, wölo melö tökïngörökyini ECHOTYON chane. Nonöy ye nyu nyinte ngokikwa akutö sitöt, mïlisyot akïlïkwï sekey ompö Misri.

OSEA 9:3

Melö dongöy chane koro ECHOTYON mïlïsyot pipö Epraim Misri akwam omisyewut cho le sïmnyon ompö Asirya.

LAWIN 25:9

Atolapay ayontekwa chi nyo wetöy kïkutöy kontï kïghömï kor asisini pö taman ompö arawa mut nko odeny ompö asispa linyot.*

MIKA 7:14

Lïkuna mösöwonto piköku, ECHOTYON nko lïkengu piköku kegh cho kikïlanyi cho möngöy opïn surkwen wölo kimi korö wölo akwagh. Nya kïpa chane kïpa chane achey wölino le Pasyan nko Kiliad le atanya le köny.

SAKARIA 14:16

Atolapay rotuy nyu Yerusalem ompö könyis löwïr pipö koros cho kingotï ompö pïchay kipka kïporyeghö Yerusalem. Pkonöy kïsoghöy ECHOTYON Kimuktoghin nyo le pöytoghin akïkonyït Ichon pö Tunkun.

SAKARIA 8:7

Osörunenan piköchan koros cho mi okumpö kongasis nko ta

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 24:31

Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

1 TESALONIKE 4:16

Ompöwölo rökuno Echotyon nyinte yïm taghöy Tororöt kïmwowu ngölonöy malaykayan nyo wow akïlïm pich chöghöto konti Tororöt. Nyoghöy nyu kututu pich cho kimeghö ompö Kristo.*

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

NGONGUT 10:7

Wölo otini kakut malaykayanteto mut nko odeny kontinyi, kupuntö Tororöt tötutyenyi nyo wïngate, le wölini kimwochï nyinte mötworichi cho le werkoy.”

NGONGUT 8:2

Atolapay asïwan malayken mut nko odeny kughyongo tawu Tororöt, ketö chane kontin mut nko odeny.

NGONGUT 8:6

Atolapay kïnap kegh malaykenichay le mut nko odeny kitïng kontin mut nko odeny tökïkut kontinekwa.

NGONGUT 9:14

Kimwochï malaykayan nyo pö mut nko akonga nyo kitïng kontï lö, “Tyaka malaykenichona le angwan kikïrötyï lalwa Yuparet!”