ISAYA 27:1 - PIPÏLIA

¹ Pöghisyegho ECHOTYON asisoni chokenyi nyo aghïgh akïwow akwawes atökunyarila kong tyompö pögh nyo kïkuro Lepiyatan, moroy nyo ryönöy kegh akïpar moroy nyo lichegho nanam ori.

ISAYA 27:1 ပူးပေါင်းရင်းမြစ်များ

AYUPU 26:13

Kikigh yïmwöy kïpïchighöchitu ompö kimïnytanyi, kïtora ewunyi moroy nyo pïrtït.

AYUPU 3:8

Nya kïchïp chïpï asisoni, nya kïchïp chane cho nkït kïpöghïsyegho tyompö nanam nyo wow.

AYUPU 40:19

“Pö tagh nyinte nyo pö ighisyewut pö Tororöt, nya kïlïkwï ighintenyi onkït nyo pöro nyinte chokenyi.

AYUPU 41:1

“Imukenyi tengwïsuna kïkïgh arokes pö karïn kïnömo kaghagh anta ikicha ngalyapunyi pörköyö?

TUMWÖY 104:26

Pestegho melinö parakunyi akïpiröno orinyi tyompö nanam nyo wow.

TUMWÖY 45:3

Rötinö kamasungu chokengu, we nyakan, itïngetenyi ororyö nko wowïn.

ISAYA 26:21

Ompöwölo ngwïno ECHOTYON möngenyi nyo mito yïm, atökunyaril kong pipö ngwïny ompö ngokikwa. Kiporu atoni irïmö nyo kikigha ngwïny ompö sison, amelö tökumuköy ngwïnya kïwïngöy pich cho kikïpörchï orinyi.

ISAYA 51:9

Ngeta, we ECHOTYON aisörwecha! Pöghisyeghenö owesyengu tesörwecha, pöghisyeghenö le ato kipöghisyeghenyi otini le awïyay. Mö nyi nye so nyo kitörotör Raap, tyonyanya wow kimi pögh kïlïkwï mïnchïran?

ISAYA 65:12

Lïku nyoni sörömunkwa nyo omeghsot ompö megha mörkötetyö, ompöwölo melö kyongitonchekwa atanya kyokurokwa anta alïm atanya kyangalanan. Kyachamakwa akwane amasa ngalechan, aghakwa ngokï.

ISAYA 65:25

Oketïyi suyï tïkwïl nko wara kechir. Omöy ngötunywö sus le tïch amelö tökesïko meghat moroyut. Mökïminye kïgh kutïng pö Sayon* nyo ngwan anta mwokïyon.”

ISAYA 66:16

Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

YEREMIA 47:6

Koriryökwa, ateghyö olentöy, ‘Ayo we chokonï pö ECHOTYON, oyï ato isisenyi amepörisyenö nya? Ne melït malyantengu aisisï kegh!’

YEREMIA 51:13

Wechï kinyïghï koronete pögh nko mökosyö! Wölo ye kikwitï osiswechi cho pö söröm kikechïchuk yomo kimïnytanyi.

YEREMIA 51:34

Lentöy pipö Yerusalem, “Kingwïn Nepukadnesa, pöytoghinto Papilon kanasyantencha, atolapay kunyaknyakecha akï kïnïkughecha le ntara kunyïghit muyenyi tïkucha cho karamach.

ESEKEL 29:3

Lentöy Echotyon TORORÖT, Rosa keghöchinyi nyoman nyi Parao, pöytoghinto Misri. Ichinyi moroy nyo mamïnïng nyo irïwöy lalwatïneku ailentöy, ‘Nyinyan lalwa Nile nyo kyoghchan kegh.’

AMOS 9:3

Kïrkegh kïwïnya kegh kutïng pö Karmel parak, owetan oyöröy chane ompö wölini ntanam. Kïrkegh kïwïng kegh ompö konyichan ompö nanam ori, omwochinan tyompö pögh kïsïra chane wölini.

NGONGUT 12:3

Atolapay kïrumunö töngönchintö anka yïm: ntara wow akï pïrir nyo kitïng mötöw mut nko odeny nko kuy taman akimi tenta mötöwichoni löwïr.

NGONGUT 13:11

Atolapay asïwan tyontö anka nyo kimi kïpusuno ngwïny. Kitïng kuy odeny cho kilata kuyo wawa makal akïngölonöy le ntara.

NGONGUT 13:4

Kïsagh chane lapay ntaranay ompöwölo kitö owesyenyi tyonyoni. Kisagh pich tïkwïl tyonyoni kilenchini, “Ngo nyo awes le tyonyï nya? Akï ngo nyo muköy kïporyö tïkwïl?”

NGONGUT 16:13

Atolapay asïwan mïkulis sömök cho ghach cho kilata mnyakaway cho kipkono kuti ntaranay nko kutito tyonyoni nko kutito werkoyontononi pö putintön.

NGONGUT 17:1

Atolapay kungwïn akong ompö malaykenichay le mut nko odeny kitïng pakulin mut nko odeny akïlenchanïn, “Nyonö atoporun wölo kinyöriltoy kong cheporesyantanay wow, nyoni kï kanasyantanay wow kikïtek wölo lekïto lalwatïn cho chang.

NGONGUT 17:15

Atolapay kïlenchanïn malaykayantanay, “Pöghechanye kisöchinyi atanye kitöpo chepores, kï söpïchis pö pipö koros löwïr nko punton löwïr nko kutïw löwïr.

NGONGUT 19:21

Atolapay kepara lïkenikwa chokonay kichumuno kuti nyinte nyoni kiwegho angole. Kwaketa nyu mötonywö kwam mïntïrïchtino pïchoni ntökïpïghyö.

NGONGUT 2:16

Kötenö ngokiku! Wölo ato mekötenyinye lenyoni, otunan lawel wöloni imitenyi atoporyan nko pïchoni ompö chok nyo ngwïno kutinyan.

NGONGUT 20:2

Kïnam ntaranay moroyonanya kipö könyisyok, nyaye le Onyöt akï Oyin. Kinam akïrat nyinte könyis elpu akonga