ISAYA 26:5 - PIPÏLIA

⁵ Kemïnïngit nyinte pich cho kwolöy kegh, akïngany kanasyantengwa nyo oror akupurpur kïlïkwï terïtyon

ISAYA 26:5 ပူးပေါင်းရင်းမြစ်များ

TUMWÖY 79:8

Meyityecha ngokiko papotïnecha. Konecha kisyonötengu lawel, ompöwölo melö töketïngetecha kikönöt.

ISAYA 13:11

Mwoghöy ECHOTYON lö, “Opunan kiwurat ngwïny, anyörilan kong mwokïyis lömïs ompö ngokikwa. Owonyan menotön nyo pö pich cho le pkatis.

ISAYA 14:13

Kilenyi ompö mïkulöwungu opustoy wölini le yïm atagh ngacharunyu nyo pö paytagh kïtörorit kïsir kokelyan anka tïkwïl nyo mi yïm. Kïlenchinenyi kegh otöpo kutïng pö tuyot, ompö koros cho lowöch cho pö okumpö löt.

ISAYA 2:12

Ighöy ECHOTYON Kimuktoghin asisoni chi anka tïkwïl nyo awes kïmïnïngitu, chi anka tïkwïl nyo kwolöy kegh akï menotyon,

ISAYA 24:10

Kikwangkwang kegh kïgh anka tïkwïl ompö kanasyan, kïpechï pich kïkörchï kegh korikwa tömömi chi nyo lïtu.

ISAYA 25:2

Ompöwölo kewaghakanyi kanastin kïlïkwï kïratis aingany nïyetwekwa cho kigheto kegh. Keghanyi korïn cho kitek pungköcha kïpa löpoy.

ISAYA 32:19

(Wölo ropönchini takarïs wölo le wudïn atökengany kanasyante lö tawanka.)

ISAYA 47:1

Lentöy ECHOTYON, “Rökunenö we Papilon, ngacharungu nyo pö paytagh, rökunö aingwïn itöpö terïtyon. Kilatenyi tagh chepkïltït, kanasyan nyo awes, melö tökïkurinyi pich ngat lö nyo tapïlïl akï nyo ngarngar! Kelïkunyi ye nyu sekeyon!

YEREMIA 51:37

Orulan Papilon kutïkumisyö koghïn. Lïku möngot pö chepkonöw wölo kïsösöy akewöghöy kewer akï wölo puryö chi nyo möngöy ori.

YEREMIA 51:64

‘Nka nyete wölo lïku koro Papilon. Chïntoy nyo melö tökutoku ngat kokay. Lïku nyoni ompö kinyarat nyo ipchini ECHOTYON.’ ” Ngalechï kï sörömu ngala Yeremia.

LOK 2:2

Kinyar Echotyon kestoni pipö Yuda lömïs, amelö kisyonchï ompö nyo le akonga, kirultö nïyeti kanasyantengwa cho kigheto kegh pung. Kipchï korononi nko pöytoghichi arasï.

ESEKEL 26:11

Tyoköy kelyo angoletinechi ortïna kanastinekwa kïsakatan akïpar pikökwa ompö chok, akurultö pchörinekwa cho owesöch.

ESEKEL 28:17

Kikwol kegh mïkulöwungu ompö pïchighyengu ainyaranyi ngöghomnyengu ompö pïchighyengu, kïlenyona otyorchinyi ngwïny, akanyan kurosinyi pöytoghï ompö rorchin.

NGONGUT 18:2

Kuta ompö kut nyo wow lö, “Kikïrul! Kikïrul Papilon nyay wow! Kasor kïmang orinyi oy nko mïkulis cho le sïmnyon. Kalïkwï wölo wïnchini kegh mïkulis nko törit cho le sïmnyon.