ISAYA 26:11 - PIPÏLIA

¹¹ Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 26:11 ပူးပေါင်းရင်းမြစ်များ

AYUPU 34:27

ompöwölo kimostoy chane, amachamcha kïrïp ortïnechi ompö akonga

TUMWÖY 10:12

Ngeta, we ECHOTYON, ailïw nyinte, mewutyeghö pich cho kichopöy kong.

TUMWÖY 21:8

Nömöy pöytoghintö pungkachi löwïr, nömöy anka tïkwïl nyo reyöy nyinte.

TUMWÖY 28:5

Möyongöcha ighisyewut pö ECHOTYON anta nyo kigh nyinte. Chopöy kong chane amökïsöpchotcha.

TUMWÖY 78:63

Kiwonyö chumwak akwompö poryot ntömökïnyorïnye mïrör mïrön.

TUMWÖY 86:17

Porwante köromnyengu, we ECHOTYON, atö kïsïwa arasï cho reyanïn kïnyorï chane arasï, ato sïwa lö kengarakaninyi aisaghsaghanïn. Tum pö werpö Kora.

WUWÖT 9:14

Melö tonyörilonan ye kichoput mötworiku nko piköku opïn, wölo onyörilinyi tïkwïl atenkïtunö lö möminye anka nyo karkegh nko ani ompö ngwïny.

ISAYA 1:31

Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

ISAYA 10:17

Lïku löpoyïn pö Israel ma, kïlïkwï Nyinte nyo Tïlil lyopöt nyo pelöy ompö asis akonga kïgh anka tïkwïl akipelöy ompö katokachi nko takalawkachi.

ISAYA 11:13

Amelö tökwomchini paytaghpa Israel Yuda nyonyintön ngat, amelö tökïlïku Yuda pung pö Israel.

ISAYA 18:3

Tera chi anka tïkwïl nyo imitö ngwïnyinï! Otini kasïwa machey nyo kakiporunö kutïng parak, otopön! Kïkany ato kïkut kontï, alïm!

ISAYA 37:32

Ompöwölo ngötuno pich Yerusalem akïngötunö kutïng pö Sayon, ompöwölo ECHOTYON Kimuktoghin nyo kamach kwigha lenyoni.

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

ISAYA 44:18

Sölwöy pich cho lata choni lö ne nya? Köröy chane konyikwa nko mötöwekwa atömöpköchï man chane.

ISAYA 44:9

Kwïle pich tïkwïl cho soghöy körkeyïntin cho kikipat akïsagh tororötin cho pïchighöch. Köryote akï sölwöy pich cho soghöy tororötin cho lata choni.

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 59:17

Loköy nyinte man le ato kiloköy karïn nyo körtoy takat nko rïntagh le kopiyo. Lokyini kegh machat nyo awes atökwigh tïkwïn kuten akuchop kong kutak tïkwïn cho kewongunö pich.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 63:15

Topönö ngwïny ompö yïm, we ECHOTYON, aitopön ompö wölini le möngengu ompö tïlilyengu nko töroryengu. Köwö onö sïngatengu nyo wow ompö acha? Köwö onö owesyengu? Köwö onö chomnyengu nko kisyonötengu? Inanecha.

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

ISAYA 66:24

“Sïwïyi chane otini petöy mïntïruch pö pich cho kipeny ngalechan. Mömeghsocha mökukwa kokay, amemisonye ma nyo pelöy chane. Ghöchini chane pipö ngwïny löwïr.”

ISAYA 66:5

Atere nyu chona opotonchot, ateköy ECHOTYON, kïgh nyo mwowokwa nyinte lö, “Wöchokwa pikökwa walaka ompöwölo oghönanïkwa amelö tïngenokwa kïgh chane. Ngemokwa chane kïlentöy, ‘Akanya kuporï ECHOTYON töroryenyi kïsörwokwa atökesïwenacha ato oturönchokwa.’ Wölo chane cho sïköy arasï!

ISAYA 9:18

Ompöwölo nöghöy ghöyityo pich le ma, nyo wuröy tapalak nko kato. Pelöy kïkarkegh nko ma nyo nögho wuw, nyo yumtoy kegh parak akuyen yïm le poltoy.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

YEREMIA 44:28

Wölo pich cho ngörï cho chïwïtyegho Misri akïmïlisyö kïpa koro Yuda. Atoni nyu ato nkïtu ngötunön choni pö Yuda lö ngölyonto ngo nyo nïkis, nyinyan anta nyingwa!

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

MIKA 5:9

Rïntoy pipö Israel pungkökwa, pöröy chane nyo möngötunye ompö akong.

MIKA 7:10

Sïwïyi nyu pungköchan, akïnam arasï chane cho mwowanïn lö, “Mi onö ECHOTYON Tororötïngu tagh nya?” Orosan ye nyu chane ketyökotyököy le norayonto ara kanasyan.

MIKA 7:16

Sïwïyi pipö punton töngönchin akuwöghisyö kïrkegh kö owesöch, mïghyot akïnam kïgh kutïw akïmingö.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

LUKA 16:23

Otini kimi sïkönonay kiwonguno ma nyo wow ompö ngwen, kïtopön yïm akïsïwa Apraam nko Lasaro cho kimi wölo low.

IGHISYEWUT 28:27

Ompöwölo kimeghö mötöwö pïchï, akïmingote yitikwa, amökurostonye konyikwa. Ompöwölo kötösïwïyi konyikwa akötölïmöy yitikwa akötöpköchini ompö mötöwekwa akötemuköy kïmïlonchot wölo omitan atosopön chane.’ ”

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

EPRANIA 10:27

nyo köngötï nyu kï kirwoko Tororöt nyo pö otyogh nko ma nyo ngwan nyo ngwïnöy kuwuröy pich löwïr cho möterchinicha nyinte.

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 3:9

Tere oghan söpïchtino Onyöt cho ighöy kegh lö kïchï pipö Yaudi akwanyï lïsï chane kïkïtïngo kelyeku tökunkïtï lö ochöminyi.

1 SAMWEL 6:9

Arosakwa nyu, ato wö kutang korenyi wölnö le Pet Syemes, onkïtï nyu lö nyinte nyï kökonecha ghöyityonï tenö nyï. Atomöwönye kenkïtucha nyu lö melö nyinte nyï kikonecha sitöt, wölo kengwïn ompö kel nyo gha.”