ISAYA 25:8 - PIPÏLIA

⁸ Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 25:8 ပူးပေါင်းရင်းမြစ်များ

TUMWÖY 116:8

Kïsörunenanïn ECHOTYON meghat akïmis lokechan, akïripanïn tömapïtan.

TUMWÖY 69:9

Kewanganïn chomnyogh nyo otïngetan ompö kongu, kasasanïn pich cho sösinyi.

ISAYA 26:19

Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

ISAYA 30:19

Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 37:3

Kïpa akïlenchï, “Kamwa Esekia lö, ‘Pö asete nyarïl, kakichopecha kong akesïch arasï. Kïkörecha kegh nko korka nyo kïghöy, wölo nyo mötïngnye owesyö kumï kïlusyö.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

ISAYA 54:4

Mewöghisyö ompöwölo menyorunenyinye arasï ngat, amelö telolïyonenyi. Iwutyeghonyi arasï nyo pö nörekyengu nko tanganytangu nyo kisïch otini kilïkunyi mïsïk.

ISAYA 60:15

“Melö tökewirtoninyi ngat anta ghöchin pich. Kanasyan nyo kikesurö akegh kïlïkwï kïratyan. Oghinyi yetune aipïchighitï, kanasyanta ngörekyö kokay nko kokay.

ISAYA 61:7

Wonyot atoni arasinkwa nko kiratat nyo kikonokwa pich, omöngekwa nyu korengwo kegh, aketösöy sïkönötenkwa kïnyïl odeny. Pöyitu ngörekyenkwa kokay.

ISAYA 65:19

Ongörökan ante tya ompö Yerusalem nko pikachi. Mörumunonye rirata orinyi akï möminye chi nyo möko kingarakat chitö anka.

ISAYA 66:5

Atere nyu chona opotonchot, ateköy ECHOTYON, kïgh nyo mwowokwa nyinte lö, “Wöchokwa pikökwa walaka ompöwölo oghönanïkwa amelö tïngenokwa kïgh chane. Ngemokwa chane kïlentöy, ‘Akanya kuporï ECHOTYON töroryenyi kïsörwokwa atökesïwenacha ato oturönchokwa.’ Wölo chane cho sïköy arasï!

YEREMIA 31:16

Sisa amerire ngat, misa lokeku ompöwölo mepotönye ighisyengu, inyorunenyi ropöwon. Mwoghöy ECHOTYON. Mïlisyegho monekwa koro pung.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

LUKA 1:25

“Kesyonchanïn ye Echotyon ompö wölini kalatan akïmalteghenanïn arasï ompö tawu pich.”

1 KORINTO 15:26

Punyon nyo pö löt nyo kinyoröy, kï meghat.

1 KORINTO 15:54

Ato lach porï nïnöy otöp nyo mönïnöy, ato lach kïgh nyo meghöy otöp nyo mömeghönye, kwitïta nyu ngölyontonay kikikir lö, “Kakiwur meghat, ketïta rïntagh!”

2 TIMOTEO 1:10

wölo kikengongwecha ye pöropchononi ompö kingwïnata Ghetintenyo Kristo Yeso. Nyinte nyo kewany owesyo meghat akïngongwï söpon pö kokay kuwerï Lökoy cho Karamach.

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.

NGONGUT 20:14

Kewirchï meghat nko ngwen nanamoni pö ma akï nanamoni pö ma kï meghat nyo pö odeny.

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”