ISAYA 25:4 - PIPÏLIA

⁴ Köryöwï meyï nko pönon wölo imitenyi akïchïwïtyö chane ompö osiswo kömpölelut. Ikörteghonyi chane chepkiriri aitö rurwö nyo wuro ompö kilayat nyo ngwan, ompöwölo ngwan poryo pkatis le pïchpïch nyo ngongöy korïn,

ISAYA 25:4 ပူးပေါင်းရင်းမြစ်များ

TUMWÖY 107:41

Wölo kisörunö chopot nyarïltangwa akwigh kestoni pich kïtösisyö le kyak.

TUMWÖY 119:31

Orïpan kirwokutköku we ECHOTYON, mekany onyorwan arasï.

TUMWÖY 12:5

Wölo kïlö ECHOTYON, “Ongetan ompöwölo kakirey chopot akechop kong mey, atönan ato tïghume ato kekönöy chane.”

TUMWÖY 121:5

ECHOTYON kï ripintengu, ECHOTYON kï körtöwontengu, mi nyinte kamasungu kukomöninyi.

TUMWÖY 35:10

Omwochinan ECHOTYON ompö mïkulöwunyan lö, “Möminye chi nyo karkegh nko nyi, nyo ighetöy chi nyo nyarkalal ompö nyo awes, akï nyi nyo isöruno meywon mosin.”

TUMWÖY 55:8

Kötö orïpchinan lawel wöloni ataghïpa, wïsöto chepkïrïri nko nyo pö pögho nanam.

TUMWÖY 72:13

Syonchini pich cho nyörkölöl nko chopot akïsörï söponwekwa.

TUMWÖY 72:4

Nya kungarak pöytoghintö mey akutokunö chopot akuwany pich cho pïröy pikö walaka.

TUMWÖY 9:10

Töni pich kikönötengwa wölo imitenyi cho nkït kaynatengu, ompöwölo mepïstonyinye, we ECHOTYON pich cho yörinyi.

TUMWÖY 91:1

Chi nyo mi ori pö ECHOTYON nyo Töror Tya, nyo wuro kegh Kimuktoghin,

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 14:32

Ekeyokyinecha ne pich cho yonu pipö Pilisti köny? Kïmwochinecha chane lö kakuchïchim ECHOTYON konyi nyo mi Sayon* akakutö pikachi cho kikirey kïryoghchï wöloni tïghume.

ISAYA 16:3

Mito chane kïlenchini pipö Yuda, “Omwowecha kïgh nyo kighöy, akartecha le ket nyo yenöy pich rurwenyi atay keghyö asis, apïswecha kemungenö rurwenkwa. Kïchicha pich cho kïchï pïnot, owïnchecha wölo memukönye chi ntökïnyorwecha.

ISAYA 17:10

Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 27:5

Wölo ato mököy pungko piköchan oghetan, akany kwam chane mis nko ani. Owöy, akanya kwam chane mis nko ani.”

ISAYA 28:6

Ighöy nyinte pich cho le kirwokï kïpöghisyeghö man, akutö nyakanat chane cho ripöy kukoti kanasyan tömölïtu pung.

ISAYA 29:19

Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.

ISAYA 29:20

Lïku nyu atoni kiwonyö ompö pich cho wököy pikö walaka akïsas Tororöt. Kiwuröy mwokïyon anka tïkwïl.

ISAYA 29:5

Kïkutïtoy pipö punton löwïr cho poryegheninyi, we Yerusalem le terïtyon, atökupiltoy le mopö panini lawel pikökwa cho pö lïk cho otyegho pich.

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

ISAYA 33:16

Atemuka onyorunö ato tïghume, akarkegh nko pich cho ghïpchegho ghat nyo awes. Onyorunekwa omisyö nko pögh cho ogheghöy.

ISAYA 33:2

Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 49:25

Mölyöngu nyu ECHOTYON lö, “Nka nyoni kïgh nyo igho, kïsöro askaryan mampustin akerit tïpö chi nyo kolkol. Oporyeghonan chi anka tïkwïl nyo poryeghenokwa asörunan monekwa ompö morikwa.

ISAYA 57:13

Akanya kïsörwokwa tororötinechï pö körkeyïntin otini orirchinekwa chane! Kutïtoy chane yomat! Poto pich cho ghönanïn cho möngöy kor akïsaghanïn ompö Konyan nyo pö saghat.”

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ISAYA 8:14

Lïku nyinte wölo tïlil, wölo karkegh nko kogh nyo kwötöy pich akïlïkwï ghat nyo pïtyegho koro Israel kwodeny, akïlïkwï ngöghöp nyo nömöy pich cho möngöy Yerusalem.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

ESEKEL 38:9

Ipokunenyi nko lïkengu kïmïkul le mirtino pögh, le polta nyo keyentö ngwïny.’ ”

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?