11 Ghïtoy chane ewunekwa le pich cho pegho pögh, wölo optegho Tororöt kwolötengwa nko lïsat nyo pö ewunekwa.
Mïluna nörekyengu kïmïkul airos chi anka tïkwïl nyo menöy igh kïwö mut.
Atolapay kïchil chane ompö nörekyö akwotyeghö ompö sïngiryenyi akïlö,
Osïwïyekwa lö rekuno Echotyon, ECHOTYON Kimuktoghin chane ompö wölo mi le mori ket cho kakïtör kïchïnu ompö kiteghat nyo pö otyogh akïmïrisyö. Kïtöröy cho kwolöy kegh tya nko cho koghöch tya ompö chane akerulchï ngwïny.
Mwoghöy ECHOTYON lö, “Opunan kiwurat ngwïny, anyörilan kong mwokïyis lömïs ompö ngokikwa. Owonyan menotön nyo pö pich cho le pkatis.
Tötutyenyan nyoni ompö ngwïnyinï kïmïkul, aghïtonan ewunyu tökuchop kong pipö punton.”
Mwoghöy ye nyu ECHOTYON lö, “Wonyot sïkönöto Moap nyo wow nyini ketïta könyiswö sömökï, akïngötu pikachi cho ngörï cho le nyasan.”
Mito pipö Yuda kïlentöy, “Kakelïmacha wölo kwoltoy kegh pipö Moap. Kinkïtöcha lö menot chane, akïghechön mötöwöy akïköromöch, wölo menyiwunye kïgh köromnyengwa.”
Wïnyo kegh chane kö pönot ompö wölnö le kutïngkot anta pal pïrïmpot lö tökechïwïtyenö ompö sïngiryo ECHOTYON atökïwïnga kegh wölo mi owesyenyi nko ororyenyi!
Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.
nko tekat anka tïkwïl nyo kogh nyo kïripsyegho nko nïyet löwïr cho kïripsyegho,
akïlenye kilayata kew. Wölo kekaranyi kong pungköcha, aikaranyi tumwöyi pkatis, le polta nyo körtoy asis nyo layate.
Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.
Kïlenyona otöninan nyinte kïtöpo ato töror, atökupar pöröw nko pich cho owesöch. Ompöwölo kichamta kegh nyinte kepar, akïcham keyitïtö nyinte akonga nko mwokïyis. Kikasan nyinte ngoki pich cho chang, akïsoghchï chane tökelöstoghchï ngokikwa.”
Kyomitan kïpsach osis atak pich cho le penyï, cho ighöy tïkwïn cho ghach akïrïpöy ortïnekwa kegh.
Kikelïmacha wölo syoltoy kegh Moap. Wechï kwolöy kegh nyoman! Kikelïmacha lö nisönöy akwip kegh yïm. Lïmchini kegh lö omi parak tya.
Kinyoröy pipö Moap nyo mökeyitönye ngat lö pich. Ompöwölo kip kegh yïm ompö tawu Tororöt.
Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.
Omungan Pel, tororöt pö Papilon otöpan kungungï kïgh anka tïkwïl nyo kinïkugh. Melö tökïsoröy koroswö akïsagh nyinte ngat. Kikïrulyö nïyet pö kanastina Papilon.
“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”
Akwompö kimurtöwontononi, kirïnta Kristo owesyo pöytoghi mïkulis nko wowïn anka tïkwïl akutö chane arasï ompö tawu pich otini kisara kariko lïk akuretö chane le ratan ompö rïntaghtanyi.
Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”