ISAYA 24:5 - PIPÏLIA

⁵ Kesïmnyon pich ngwïny ompöwölo kawaghach chane kirurut pö Tororöt, akïpeny muma* nyo kitöpo kokay.

ISAYA 24:5 ပူးပေါင်းရင်းမြစ်များ

2 SAMWEL 23:5

“Soyönöy Tororöt konyan, ompöwölo kyam nyinte muma* nyo pö kokay nko ani, nyo kikïtat amöwöghökonye. Ighöy nyinte sörunötenyan nko machatenyan kïtasa.

2 PÖYTOGHÏ 21:12

Kïlenyona, mwoghöy ECHOTYON Tororöt pö Israel lö, opunan nyarïl nyo wow Yerusalem nko Yuda nyo ato lïm chi anka tïkwïl kinyaratanoni kïtangany.

2 PÖYTOGHÏ 21:15

Ompöwölo keghwanïn ngokï chane akwighanïn anarekan kïngata atanye kipkana papotïnekwa koro Misri nko nyete le ye.”

2 OTÖPTINO OSIS 33:9

Kintöghoghchï Manase pipö Yuda nko möngi Yerusalem, tökwigh ngokï cho chang kïtïl punton cho kiwany ECHOTYON kïsïwïyi pipö Israel.

TUMWÖY 105:10

Kiyomis kegh ECHOTYON nko Yakopo akïmwa lö töpo kokay mumanoni.*

TUMWÖY 55:5

Kapotanan ompö otyogh, kelumanïn nyarïl.

ISAYA 10:6

Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

ISAYA 30:9

Chumpönöy chane nko Tororöt kïtenö osis, mïröy ngat putintön kïnomnyö akïtagh kïlïm kinetut pö ECHOTYON osis lapay.

ISAYA 33:8

Kikïwowit tya tapan ortïn cho echön nyo melö tökïmi chi nyo tökuweröy. Kïrkegh kelö kïmutöy mis, kïmelö tökerïpöy. Kelö kipï söwï, kesas. Mökïminye chi nyo tökekonyïtöy ngat.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 11:10

Keyokyï kegh kwigh tïkwïn cho ghach le cho kigh papotïnekwa ato kitagh kïter kutinyan akïpa kïsagh tororötin walak. Kikïpeny pipö Yuda nko cho pö Israel muma nyo kyaman nko papotïnekwa.

YEREMIA 50:5

Tepöy or nyo wetöy Sayon* akïpa kutang wölini atolapay kwam muma* lö, kïlinyot nko ani, amöminye nyo ngötighöy kokay.

ESEKEL 16:59

Lentöy Echotyon TORORÖT, “Owunyi lenyini keghanyi, ompöwölo kesasanyi kiyomisutköku ainyaranyi muma.

ESEKEL 20:13

Wölo kipenyanïn pipö Israel ompö surkwen, melö kirip kiyomisutköchan wölo kitagh kirurutköchan cho söpo chi ato rïp, kikyolan ompö nörekyö wanya pïchï ompö surkwen.

ESEKEL 20:24

Ompöwölo melö kirïp kinetutköchan, akïtagh kiyomisutköchan akusïmnyon Sapatotinechan akïrïp körkeyïntin cho kisoghöy papotïnekwa.

ESEKEL 37:26

Oman nyu muma* nko chane, lïku nyo pö kokay nko chane. Osoyönan, atas chane kïchangit, atolapay opintityan Konyan kwenungwa kïtöpö kokay.

DANIEL 7:25

Töghöy chane Tororöt nyo Töror, akïpïr pipö Tororöt nyo Töror Tya. Akumukyï kïwaghach kirurutkökwa nko osiswo ichontinekwa. Ketö pipö Tororöt morichi könyis sömök nko nïsï.

DANIEL 9:10

Melö kikïteracha ngaleku, we ECHOTYON Tororötïnyo, kerïp kirurutköku cho kitönönyi mötworiku werkoy.

DANIEL 9:5

“Kikeghacha ngokï akelel akeghacha nyo gha akepeny kirurutköku löwïr akemastecha kareran.

OSEA 6:7

“Wölo kinyar chane ompö koro Adam kikïniniogh nyo kyaghan nko chane, kïpeny mumenyan.

LAWIN 20:22

“Kïlenyona orip kirurutköchan nko ngalechan löwïr atömötaghak koronï omïtyinokwa.

LAWIN 26:35

ompöwölo melö kimuny korenkwa otini kyomöngekwa.

MIKA 2:10

Angeta apechï kegh! Melö tökïmi wölo kimungo yi, kikunyara koronï ompö sïmnyontön, akikïwïr kemötö.

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 32:20

Atolapay kïlö, ‘Melö tongörokan chane ngat, atasïwan kïgh nyo igho ompö chane, ompöwölo pïn nyete nyo chumpönote, monïng cho puryö kighanat.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

EPRANIA 9:1

Kitïng muma* nyo pö tagh tötutkachi cho kiporu wölo lata sowut nko ato tïlil wölo kisogho ompö ngwïnyinï.

YOSWÖ 24:25

Kïlenyona, kwam Yoswö muma nko pïchay asisoni akutö chane kirurut ompö Syekem.