ISAYA 24:23 - PIPÏLIA

²³ Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 24:23 ပူးပေါင်းရင်းမြစ်များ

TUMWÖY 97:1

Pöytoghin ECHOTYON! Ngaraka, ngwïnya! Oturonchenö koroswo nanam!

WUWÖT 15:21

Kïlenchï Miriam chane, “Otumchinö ECHOTYON, ompöwölo karïnta ompö ororyenyi, köwirchï nanam angoletine nko ipi.”

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 13:10

Kimisöy kokelyan anka tïkwïl nyo mi yïm, akemis kïgh anka tïkwïl nyo lïwuno wölnö le mïröt, tuwitu asis otini kapusï, akï möminye löpoyïn nyo lïwuno wöloni arawa.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 33:17

Osïwïyekwa ngat pöytoghin ato pöytoy ompö pïchighyö akughïtoy ewunyi kïghömï woptin löwïr.

ISAYA 33:22

Ompöwölo ECHOTYON nyo tïlwecha ngalecho akï nyinte nyo pöytonecha. Nyinte nyo le pöytoghintencha. Sörwecha nyinte.

ISAYA 52:7

Wechï mïlöy pich kesïwa chi nyo rökuno kutïngkot, akwipu lökoy cho karamach cho pö kalya! Chi nyo mwowu ngala sörunöt, akï mwochini Sayon lö, “Pöytoghin Tororötïngu!”

ISAYA 60:1

Ngeta, we Yerusalem ailïwï le asis, lïwchininyi ororyo ECHOTYON!

ISAYA 60:19

“Melö tökïlïku asis löpoyïntöngu atole pöghet. Anta lïkwï arawa löpoyïntöngu ato le oghö. Ani ECHOTYON nyo olïku töpewengu nyo pö kokay. Lïwunyi löpoyïnto töroryenyan.

ISAYA 60:20

Wonyot osisweku cho pö nyarïl. Olïkunan ante ECHOTYON töpewengu nyo pö kokay. Töpewö nyo töpo nyo kogh kïtïl asis nko arawa.

ESEKEL 48:35

Ki miten 9,000 koghïn pö nayat, kekur kayna kanasyan kïngeta atoni, “Mi ECHOTYON atoni.”

DANIEL 7:18

wölo nyoru pipö Tororöt nyo Töror Tya pöyunöte kïlïkwï nyingwa kokay nko kokay.’

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

YOEL 2:31

Wengo asis kïtuwitu pïrïritu arawa le kisön kïtomö kwitï asisoni pö ECHOTYON wow akï pö otyogh.

YOEL 3:15

Wengöy asis nko arawa kïtuwöchitu, akumis löpoyïn pö kokel.

OPADIA 1:21

Longöy kutïng pö Sayon* nyökon cho kisörï Yerusalem atökïpayta kutïng pö Esau. Pöyitu nyu paytagh ECHOTYON.”

MIKA 4:7

Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

SAKARIA 14:6

Melö tökïmi osiswechoni osiswo kaghïtan anta powöy.

SAKARIA 14:7

Lïku korö pöghet amelö osis ne choni.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

MATAYO 6:10

Nya kungwïn Pöyunötengu. Nya kwigha machatengu ompö ngwïny le wölo lata ompö yïm.

MATAYO 6:13

Amemïtyecha wölo mi tyamata, wölo isörunenech Onyöt.’

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 14:1

Atolapay asïwan Wawa Kech kughyongo kutïng pö Sayon* nko pich 144,000 cho kikikirchï tokochwekwa kaynata Yeso nko nyo pö Kwanta.

NGONGUT 19:4

Kupïtyï ngwïny poyichay le 24 nko tyonchay söpchote le angwan akïsagh Tororöt nyo kitöpo ngacharenyi nyo pö paytagh akïlö, “Amen! Nya kïsala Tororöt!”

NGONGUT 19:6

Atolapay alïman kïgh kïchögh le söpïch nyo wow, kichögh le puseryon nyo wow nyo soytegho ghatoy, chöghöt nyo kilata tïlöto ilat nyo wow akï nyo lentöy, “Nya kïsala Tororöt! Ompöwölo pöytoy lapay Echotyon Tororötïncha nyo le Kimuktoghin!

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.