ISAYA 24:18 - PIPÏLIA

¹⁸ Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

ISAYA 24:18 ပူးပေါင်းရင်းမြစ်များ

TOWUNÖT 19:24

Kutor ECHOTYON kïropönchï ngeset kanastina Sodoma nko Komora.

TOWUNÖT 7:11

Otini kitïta Noa könyis 600, asisto 17 nyo pö araweto odeny, kïyotisyö asisoni konyi pöghon cho kimi ngwïny, kutulï pögh ompö owesyö akïyotisyö kukoti pögh cho mi yïm.

2 PÖYTOGHÏ 7:2

Kïlenchï wowïnay kitigho kegh pöytoghintö chichay pö Tororöt, “Möminye kïgh nyo lata nyoni nyo igho, kïrkegh kölentöy ECHOTYON oropönuno pögh yïm panete!” Kuyokyï Elisya lö, “Isïwïyenyi, wölo melö iyomenyi omisyononi.”

AYUPU 20:24

Ato lentöy orïpo ngot kïwut nyinte protwö kurel,

TUMWÖY 18:15

Kïrumï ngwïnya nyo pö nanam kengany kitoröto ngwïny, otini kisyalanyi, we ECHOTYON, otini kitorunö kimungöt sörunöyichi.

TUMWÖY 18:7

Kïpotan ngwïnya akuyotyot, kipotonchö pchörino kutïngkot akurïngring, ompöwölo kinyala Tororöt.

TUMWÖY 18:8

Kipusta ighöt nyo kingwïna sörunöyichi, kungwïna lyopötö nyo ngwan kutinyi, kingwïtu ngöset cho nöghyot.

OMTOGHIN 9:12

Ompöwölo menkïtnye chi sayenyi nyo pö kisyonchin. Karkegh nko kaghagh cho kïnömo net, anta le törit cho kïnömo ngöghöp, kïlenyoni wölo nömtoy ngöghöp pich asispa ghöyïn, otini chïnchini chane lawel.

ISAYA 13:13

Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 2:21

Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 42:22

Wölo ye kakïchora pikachi tïkwïn, akekörchï chane wölo tuw aketorchï chelen. Karkegh nko tïkwïn cho sökosöy tyompö wudïn, akïpuryö nyo söru chane. Kakïnam wölo melö mi chi nyo lentöy, “Osörunö!”

ISAYA 8:14

Lïku nyinte wölo tïlil, wölo karkegh nko kogh nyo kwötöy pich akïlïkwï ghat nyo pïtyegho koro Israel kwodeny, akïlïkwï ngöghöp nyo nömöy pich cho möngöy Yerusalem.

YEREMIA 48:43

Kamwaghan ante ECHOTYON lö, tapan nko pïrïmpot nko ngöghöptin cho köngöy pipö Moap.

YEREMIA 48:44

Anka tïkwïl nyo kachïwïta tapan kïchinchini pïrïm kïkany nyo kachïwïta pïrïm, kïnömöy ngöghöp. Ompöwölo kyatatatan ante ECHOTYON lö sito pipö Moap nyoni, otini ketïta ato omungan chane.

LOK 3:47

Kakitupucha kong nyarïl nko kiwurat nyo kïmitecha ye nko nyökoryö.

ESEKEL 11:8

Kïrkegh owoyekwa chok, wölo oyonchinokwa chok. Mwoghöy Echotyon TORORÖT.

ESEKEL 12:13

Atolapay nyu aluman nyinte netïnyi, kïnam nyu nyinte ngöghöpunyan atolapay opön Papilon koro Papilonia, amasïwanye wölini, akeporchini wölini.

ESEKEL 15:7

Otönön sitöt. Kïrökegh köchïwïtyeghö ma, wölo tökïpelöy ma chane, atonkïtunö lö ochan ECHOTYON otini kotönön chane sitöt.

AMOS 5:18

Heywey akwa cho opïrchini kwitï asispa ECHOTYON! Ngörokekwa lö ne asisoni nya wey? Ompöwölo lïku tuwïn asisoni ompö akwa, melö löpoyïn.

AMOS 5:19

Lata ato rïpo chi ngotïny kïtuyö nko chepökerï anta lö olït kö kïtor moroya.