ISAYA 24:16 - PIPÏLIA

¹⁶ Kïlïmecha tumwöyi sölut cho sölöy ECHOTYON Tororöt pö Israel, cho pkono söremwok pö ngwïny. Wölo melö otïngetan kikönöt! Kyanyasan ntowonyö! Mito pich cho wïchtoy pich kuletöy tagh, akïmitoni pich cho le lïsï kuletöy tagh nko lïsengwa.

ISAYA 24:16 ပူးပေါင်းရင်းမြစ်များ

TUMWÖY 106:15

Kutö nyu Tororöt kini kisom chane wölo kïtösï tïkwïl kwenungwa sömew nyo gha.

TUMWÖY 119:158

Ghöchinanïn pich cho meghönotcha, ompöwölo möripöcha kirurutköku.

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

TUMWÖY 58:10

Ngörechot pipö man otini kitökisïyi. Tïkotoy chane kisön pö mwokïyis.

TUMWÖY 65:8

Töngönchini ngwïnya kïmïkul ighisyewutköku cho echön. Ipchini ngörekyö woptin löwïr, kïngata kongasis ntökwit to.

TUMWÖY 67:7

Kakusoyönecha Tororöt, nya kïkonyït pipö ngwïny kïmïkul ompö nyinte. Ompö kintöghoghinto tumï. Tum pö Daudi.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

WUWÖT 15:11

“ECHOTYON, ngo nyo lata nyi ompö kwenu tororötin? Ngo nyo lata nyi nyo ichï wow ompö tïlilyö? Ngo nyo kiwöghöy ompö ighisyeghut cho echön nko cho pö töngönchin le nyi?

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 17:4

Itu asis akonga ato wonyegho owesyö pipö Israel, ato kïwöghököy mökosyenyi kïlïkwï meywontön.

ISAYA 21:2

Kasïwan sïwïyagh nyo pö tïkwïn cho pö rïmö, sïwïyagh nyo kïwïchtoy kegh nko kiwurat. Kepokwï pipö Elam cho pö lïk akïporyö! Kusyep pipö Mede cho le setï kanastin! Wongöy Tororöt nyörilwok löwïr cho kepï pipö Papilon.

ISAYA 26:15

Kitasanyi pipö punton, we ECHOTYON, aipörogh koroskökwa ainyorunyi ororyö.

ISAYA 28:5

Itu asis ato kikongityot ECHOTYON Kimuktoghin nko akope nyo pö ororyö nyo pö tapïkoy cho pö pikachi cho le ngötunön.

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 48:8

Kyonkïtön lö melö kyochikwa pich cho kighönöy, pich cho le penyï kïnomnyö. Nka nyoni melö kyalïmakwa nyonikïny ngölyontononi, akunka nyoni tömömi ngölyon nyo kyalïmekwa yitikwo.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 6:5

Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

YEREMIA 12:1

Iponyi man we ECHOTYON, kïrkegh opunyi ngwïrngwïryenyan. Wölo omochan opunyi teputyenyu. Ayo, ompö ne tökïsïköy mwokïyis kel nyo karam? Ompö ne tökuletöy tagh pkatis löwïr?

YEREMIA 12:6

Rose ompö lö ighunyi cho ghach monekwa, chini pö konkwa. Kikuporï lö töghinyi chane. Kïlenyona meghan chane, kïrkegh kuti nyo anyïn.”

YEREMIA 3:20

Wölo, le wölo pïsto korka nyo melö ghanate santenyi, kipïstaninyi ompöwölo kimelïkunyinye nyo ghanat ompö ani.’ ” Mwoghöy ECHOTYON.

YEREMIA 5:11

Ompöwölo melö kötökïlïkwï pipö Israel nko Yuda, pich cho ghönote ompö tawunyan.” Mwoghöy ECHOTYON.

LOK 1:2

Karir nyinte nyoman kïyech, törenguno lok mötongwechi, möminye kongenyi ompö akong nyo köngötï tökïsaghsagh nyinte. Kilïs nyinte kongotichi löwïr akïwöghökisyö kïlïkwï pung.

OSEA 5:7

Kilïs chane ECHOTYON, ompöwölo kisïch monïng cho pö sany cho melö tïngö kïgh ECHOTYON kïlenyona wonyot chane lömïs ompö relïn pö arawa.

OSEA 6:7

“Wölo kinyar chane ompö koro Adam kikïniniogh nyo kyaghan nko chane, kïpeny mumenyan.

LAWIN 26:39

Kuyuyö cho köngötï ompö koroswo pungkökwa ompö ngokikwa nko ngokiko papotïnekwa.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

APAKUK 1:13

Tïlilöch konyiku tya cho mötopönöcha ghöyityö, amöchömönye kïsïwa pich cho le lelï. Ompö ne nyu tesisenyi otinö mi mwokïyis kuwongöy pich cho tïlilöch kïtïl chane?

APAKUK 1:3

Ompö ne tekanyanyi asïwan tïkwïn cho ghach cho ighisyot aikany asïwan kömpölelyö? Mito tawunyan kiwurata nko köromnyö akïmi poryot nko kanyanyighos.

MARKO 13:27

Yoktoy nyu malaykenichi kïpa ngwïny kïmïkul kïghamïtï kïlankachi kïngetunö sörömu ngwïny ntökwit sörömu anka.

IGHISYEWUT 13:47

Ompöwölo lenye nyoni wölo kimwowuntecha Echotyon lö, ‘Kotöninyi lïkuna löpoyïn pö punton, atepchinö sörunöt ngwïny kïmïkul.’ ”

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!