ISAYA 24:10 - PIPÏLIA

¹⁰ Kikwangkwang kegh kïgh anka tïkwïl ompö kanasyan, kïpechï pich kïkörchï kegh korikwa tömömi chi nyo lïtu.

ISAYA 24:10 ပူးပေါင်းရင်းမြစ်များ

TOWUNÖT 11:9

Kïlenyona, kekurö kaynata kanasyantanay Papilon, ompöwölo kiwura atoni ECHOTYON kutïwa pipö ngwïny kïmïkul. Kitoyeghö ECHOTYON chane wöloni kïghömï ngwïny kïmïkul.

2 PÖYTOGHÏ 25:4

Kïngany pïchay nayatu kanasyantengwa, kïrkegh kimi pipö Papilonia kuriköy chane. Kuperta pöytoghintö nko piko lïk löwïr oghökwen, kipa akuwer or nyo kikwen nïyetwo odeny nyo lekïto para pöytoghin akupertoy kutang mpöghoghyo Arapa.

ISAYA 23:1

Anyï ngölyon nyo cheröy Tiro. Oteghyenö ompö nyarïl pïchï opegho melino Tarsis! Ompöwölo kakiwur möngenkwa kïtuwit, möminye kö nyo köngötï anta wölo kïlïtöy. Kikïngongchï chane lökoyechoni otini kingetunö melinekwa koro Kupro.

ISAYA 24:12

Kitïryalit kanasyante, kikeriy kukotichi kunyorisyö.

ISAYA 25:2

Ompöwölo kewaghakanyi kanastin kïlïkwï kïratis aingany nïyetwekwa cho kigheto kegh. Keghanyi korïn cho kitek pungköcha kïpa löpoy.

ISAYA 26:5

Kemïnïngit nyinte pich cho kwolöy kegh, akïngany kanasyantengwa nyo oror akupurpur kïlïkwï terïtyon

ISAYA 27:10

Ompöwölo lïku, kïratyan kanasyantanay awes kikïtek atökeripsyeghö. Kiwaghaka atoni kïlïkwï acheyu kyak nyo munyo akwaketegha.

ISAYA 32:14

Ompöwölo kïpökoktoy kö pö pöytoghin akesurö kanasyante kïtuwit. Kiwuröy keston nko nïyet cho kikïripsyegho akegh kïlïkwï möngot pö tyonkïn kokay. Lïku wölo tisonchegho sïkïröyi wuw akïlïkwï acheypa kechir.

ISAYA 32:19

(Wölo ropönchini takarïs wölo le wudïn atökengany kanasyante lö tawanka.)

ISAYA 34:11

Pöyitu korononi sirören nko chamasinchen. Ighöy ECHOTYON korononi ngat kïlïku surkwen, kïle wölo kilata otini le towunöt.

YEREMIA 39:4

Kïkany kïsïwa Sedekia, pöytoghinto Yuda nko lïkenyi tïkuchoni löwïr kwighisyot, kïyar or nyo pertegho oghö. Kïrïp or nyo weröy para pöytoghin akïlït kukat nyo mi kwenu nïyet odeny akurel sany akïpa kutang okumpö Arapa.

YEREMIA 39:8

Ataye kokay, kimi pipö Papilonia kïpelöy kö pö pöytoghin nko kori pich walaka akurultö nïyet pö kanasyanta Yerusalem.

YEREMIA 52:7

kupun pipö Yerusalem nayatu kanasyan akupultoy kïlït sany akuwer kwenu nïyet odeny akuchumchï para pöytoghin akïpa okumpö koro Arapa. Ataye kokay kirik pipö Papilonia kanasyanta Yerusalem ompö wop tïkwïl. Kipa nyu pipö Israel lenyoni akughegh okumpö lalwa Yordan.

MIKA 2:13

Yotöy Tororöt nyinte oreto kanasyan akuntöghoghchï chane kïpa. Wiröy chane lö pölölo akïlïtöy kurel sany. Ntöghoghchini chane Tororöt nyo le pöytoghintengwa.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

LUKA 19:43

Pkonöy osiswö cho rikinyi punköku lö tïlkwïch akïkörchinyi ori tömökïminye wölo ilïtunonenyi.

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

NGONGUT 18:2

Kuta ompö kut nyo wow lö, “Kikïrul! Kikïrul Papilon nyay wow! Kasor kïmang orinyi oy nko mïkulis cho le sïmnyon. Kalïkwï wölo wïnchini kegh mïkulis nko törit cho le sïmnyon.