ISAYA 21:3 - PIPÏLIA

³ Kinyïghitanïn otyogh nko ngwonïn ompö kïyoni kyasïwan alïm ompö sïwïyaghnoni. Ngwonïn nyo karkegh nko nyo pö korka nyo lusïyi.

ISAYA 21:3 ပူးပေါင်းရင်းမြစ်များ

TUMWÖY 48:6

Kipotonchö chane akutor kïwoyö le korka nyo lusïyi

ISAYA 13:8

Potonchot chane lömïs akïsïch ngwonïn nyo karkegh nko ngwonïn pö lusyogh. Topönöy kegh chane ompö nyökoryö, akïnöghyö tokochwekwa le ma ompö arasï.

ISAYA 15:5

Rirchini mïkulöwunyan Moap! Kepertoy pikachi kutang kanasyanta Soar nko Eklat Syelisyiya. Kïpusta walaka kïrïp or nyo wetöy Luit, akïmi kïrirsot otini petöy, kupertoy walaka kutang Oronaim nko nyarïl nyo wow.

ISAYA 16:11

Nka nyoni rirchini söpontönyan Moap atïngetan ngwonïn ompö Kireres.

ISAYA 16:9

Orirchinan ye sapipuno Sipma kïle ato orirchinan Yaser. Kötörengwanïn lok ompö Espon nko Eleale, ompöwölo mömicha pagh cho kïkösöy tökutö pich ngarakat.

ISAYA 26:17

Nyi, we ECHOTYON nyo kighecha keriryenö le karka nyo tegho ngwonïn nyo pö lusyogh.

YEREMIA 4:19

Ngwonïn! Ngwonïn nyo tya nyï nya wey! Komelmelön ngwïny ompö ngwonïn! Kawiranïn kisön mïkulögh nyoman, amökonanïnye apayas. Komïghön ompöwölo kalïman kontï, kakut chi konti poryot.

YEREMIA 48:41

Ngwïnöy kïrïntoy kanastinechi, akurit teköwekwa mïghsot asisoni lïko Moap le korka nyo kïghöy.

YEREMIA 49:22

Poryegho punyon Posra le sich nyo kirïchul köpepoy ato pilöy. Mïghsot asisoni nyökon pö lïko Edom le korka nyo kïghöy.”

YEREMIA 50:43

Kalïm pöytoghinto Papilon lökoyechoni akïmïgh lö chïrïm kïlïkwï morïn pörköy, akïnam ngwonïn nyinte, ngwonïn nyo lata nyo pö korka nyo kïghöy.

YEREMIA 6:24

Lentöy nyu asisoni pipö Israel, “Kikelïmacha lö setu pung, akikemïghyecha lö chïrïm! Kïmicha kichïr le korka nyo kïghöy.

APAKUK 3:16

Kyalïman choni löwïr, amïghön kïpotananïn kut ompö kiwaghat, kunyulnyulisyanïn ko ompö orinyan, wölo oköngan asisoni pö nyarïl ompö sison, otini ngwïnöy Tororöt kuchopöy kong pungköcha.

YOANA 16:21

Otini mach korka kïlusyö kïtïng kichïr, ompöwölo ketïta sayenyi, wölo otini kakïlusyö nyinte, kïwutyeghö kichïrtanyi, ompöwölo ngörökyini nyinte monïng nyo kakeyïchï ngwïny.

KINONO KIRURUT 28:67

Nyini kayech amachakwa lö opï katuwit. Nyini katuwit olekwa opï kayech.

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!