ISAYA 20:4 - PIPÏLIA

⁴ Rötöy pöytoghintö Asirya pikö koroswechoni le odeny kïlïkwï mampustin akïrang chumwak nko poy kïpa kïchïrutöch kimeloköcha kwegh akulak sïro cho mökörtonye löpisöy, ompö arasï nyo pö pipö Misri.

ISAYA 20:4 ပူးပေါင်းရင်းမြစ်များ

2 SAMWEL 10:4

Kïnam Anun mötworichay pö Daudi akïrwak tamughayikwa kareran mut sïrokökwa kïngata löpisöy kwapta atolapay kïyon.

1 OTÖPTINO OSIS 19:4

Kïnam Anun mötworichay pö Daudi akïrwach tamughayikwa akïtök sïrokökwa kïpesöy akïyon kïpa.

ISAYA 19:4

Otöninan pipö Misri chi nyo körom, pöytoghin nyo mötïngnye kisyonöt. Mwoghöy Echotyon, ECHOTYON Kimuktoghin.

ISAYA 3:17

Wölo ochopan chane kong arwakan mötöwekwa kïlïkwï palurtin achengan sïro kudong kïchïrutöch.”

ISAYA 31:2

Akwanyï ngöghom nyinte, ipu kiwurat amelö wöghököy ngalechi cho riru lö kichopöy kong mwokïyis nko pich löwïr cho körtoy chane.

ISAYA 31:3

Pich pat pipö Misri, molenchï kegh tororötin chane. Pö ngwïnyinï angoletinekwa molenchï kegh pkono yïm. Kïkany ato ghïtö ECHOTYON ewunyi, kïrulyö nyu pipö punton cho owesöch akïrulyö tïkwïl chane cho kinyorunö kingarakat chane. Kiwuröy chane kwodeny.

ISAYA 47:2

Nama ngisya aingagh pagh! Nganya sïra nyo iyenonyi mötïngu! Ngwïsa sïroköku cho pïchighöch cho iloköy! Syolö cherötöyengu, aioghyö lalwatïn!

ISAYA 47:3

Rumu nyu chïrutïntöngu lasiny akïsïwa pich arasingu. Otökan amöminye chi nyonikïny nyo osyonchinan.”

YEREMIA 13:22

Itepeyi kegh lö, “Ompö ne tökïnamanïn ngala cho le chï?” Ay, kakïngaghinyi sïro akelölosinyi, ompö ngokiku cho echön nyoman cho keghanyi.

YEREMIA 13:26

Ongöghan ante ECHOTYON sïrokökwa, tökïrumtö arastönkwa.

YEREMIA 46:19

Akwa cho omöngöy koro Misri, anapa kegh nko tïkukwo atökerangak le rata! Ompöwölo kinyoröy kanasyanta Mempis kuwonyö lömïs lïku kïratyan nyo kiwöghöy, amelö mi chi nyo muköy kïmang orinyi.

YEREMIA 46:26

Atöninan chane mori pungkökwa cho yöröy kïpöröy chane. Pungkökwa choni kï Nepukadnesa pöytoghinto Papilon nko lïkenyi. Wölo lötunyi tökïpkonöy pich akïmang Misri le köny. Kamwaghan ante ECHOTYON lenyoni.”

ESEKEL 30:18

Tuwitu koro Teapnees otini kaparan pöyunöto Misri akuwonyö kwolötenyi pö owesyenyi, tïpoy nyinte poltoy akerang pikö kïpa pïnotön.

AMOS 9:7

Kïlö ECHOTYON, “Melö so alatekwa pipö Etopya ompö ani we pipö Israel kyopunekwa koro Misri opunan Pilisti koro Kaptori opunan pipö Sirya Kir.

MIKA 1:11

Opechinö kegh pipö Sapir, ape alïkuna pïnot ompö chïrutnön nko arasï. Motöp ntolïtï sany cho omöngöy kanasyanta Saanan. Mi pipö Petesel lok, nyo monyorchinekwanye chane kingörokut.

NAUM 3:10

Wölo kïrkegh kilenyoni, kipka pung kïrang pikachi le pïnot Kikïrang kïpa wölo low, aketïghotïgh monekwa kïkörpösisyö mötöwö ompö ortïna kanasyan. Kikïnam akerata sïrïmtin pipö Tepes cho echön, atolapay kïchöghchï kegh.

SEPANIA 2:12

Akwa pipö Kusyi, pörokwa tïkwïl ECHOTYON!

NGONGUT 3:18

Nyo kanya orurin ye nyu lö, alenanïn koltin cho kikiwunö ma atelïkuna sïkön, aiyal ngat sïra nyo rel nyo iloköy tökuyen arasingu nko chïrutyengu aiyal ngat sakïtya konyïn, atemuka rosïtena.