ISAYA 2:2 - PIPÏLIA

² Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

ISAYA 2:2 ပူးပေါင်းရင်းမြစ်များ

TOWUNÖT 49:1

Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.

AYUPU 19:25

Ompöwölo onkïtön lö söpöy Ghetïntenyan akungwïnöy kwighwanïn man ompö ngwïny.

TUMWÖY 102:23

Kechïchuk nyinte owesyenyan kïtochan mïnïng akïnïk osiswechan.

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 22:28

Ompöwölo pö ECHOTYON paytagh, pöytoy nyinte punton.

TUMWÖY 48:2

Kogh akï pïchigh Sayon,* kutïng pö Tororöt nyo mi okumpö löt. Ipchini kanasyanta pöytoghin pipö ngwïny kïmïkul ngörekyö nyo wow. Lata Sayon kutïng pö Sapon parak.

TUMWÖY 68:17

Ngwïno Echotyon Sinay, kutöngu möngenyi nyo tïlil kïmi nko nkarinechi pö lïk cho owesöch cho makïrar.

TUMWÖY 72:8

Nya kïpayta kïngata nanam ntökwitïta nanamu anka akïngata lalwa Yuparet ntökwitïta sörömu ngwïny.

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

TUMWÖY 87:1

Katek ECHOTYON kanasyan kutïng nyo tïlil.

TUMWÖY 87:2

Chömöy nyinte kanasyantanoni pö Sayon* tïlil wop anka tïkwïl nyo möngöy Yakopo.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 30:29

Wölo ongörekyokwa cho ochï pipö Tororöt, atum le wölo odokwa nangat ato kyomöy akor nyo tïlil. Ongörekyenö le pich cho kutöy pkurerun akïpetöy kïpustoy Kö pö ECHOTYON Tororöt nyo le ghetöy Israel.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 56:5

kïnyorunenanïn kïgh nyo karam kïtïl monïng cho le wor nko tipïn, amelö kïwutyegho nyinte.”

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 60:3

Soru löpoyïntöngu pipö koros, pkonchini pöytoghï löpoyïntöngu nyo kayek.

ISAYA 65:11

“Wölo sisitu ompö akwa chona kataghanïn, chona osösöy Sayon,* kutïngtönyan nyo tïlil, apechï asagh Kad nko Meni cho le tororötino töpkotut nko rurïny.

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 23:20

Möchïchïkonye kokay nörekyo ECHOTYON ntökïtenö kwigh akupuntö machatenyi. Pköchini pikachi lasiny ngalechete ompö osis cho pkonöy.”

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 3:17

Kïkuro osiswechoni Yerusalem, “Ngacharu paytaghpa ECHOTYON,” wölo ghömechini pipö koros löwïr ompö tawunyan kïsaghanïn amelö tökïpïrchini ngat kwighöy möchutko mïkuliskökwa cho ghach.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

YEREMIA 48:47

Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.

YEREMIA 49:39

“Wölo ompö osis cho pkonöy ongwïnan oyokyini Elam tïkuchi lenyini kimi tagh. Kamwaghan ante ECHOTYON lenyoni.”

YEREMIA 51:44

Omungan Pel, tororöt pö Papilon otöpan kungungï kïgh anka tïkwïl nyo kinïkugh. Melö tökïsoröy koroswö akïsagh nyinte ngat. Kikïrulyö nïyet pö kanastina Papilon.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 40:2

nko koro Israel ompö sïwïyaghtina Tororöt, akutönanïn ngwïny kutïng parak nyo kogh nyoman. Kimi kïgh nyo kilata kanasyan kipoyeghenanïn.

DANIEL 10:14

Kangwïnan omwowunyi kïgh nyo igho ompö piköku ompö osis cho pkonöy, ompöwölo pö sïwïyaghta osis cho pkonöy.”

DANIEL 2:28

Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

DANIEL 2:35

Kïpasyangana tïkwïl wölay le karïn nko nyïngwïtyan nko tay nko silpa nko wölay le koltin akïlïkwï le morïr ompö ghatya pagh atay le kömöy, kungwïn yomat kïkutata kupotyö mömi wölo kïsöchini, wölo kïwaghaka koghay kïyetï kïlïkwï kutïng akulum ngwïny kïmïkul.

DANIEL 2:45

Kisïwenyi kïchïnuna kagh kutïng amaswany chi akïtïgh körkeyïnay kikigha karïn nko tay nko nyïngwïtyan nko silpa nko koltin kïpasyangana. Keporunyi Tororöt nyo awes tïkwïn cho ighisyot ompö osis cho pkonöy we pöytoghin, nka nyoni nyu kirwotïtoghtö nko waghakatenyi.”

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

SAKARIA 14:10

Lïku kore kïtangogh mpöghogh kïngeta Kepa, nyo mi Yerusalem kuntoka ntökwit Rimon nyo mi kumporö. Wölo töpo kanasyanta Yerusalem ato syolote kïngeta Kuka Penchamen, kuwer ato kimi asistanka nayatu Ananel nyo kiwo chak ntökwit wölo kïryöko dipay* pö pöytoghin.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 8:22

Pkonöy pich cho chang nyoman akïpka koroswö cho tïng owesyö nyo wow kïsoghanïn akïsomanïn osoyön chane.”

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

MALAKI 3:12

Kurokwa nyu atoni pipö ngwïny kïmïkul lö, ‘Pich cho soyönote,’ ompöwölo lïku korenkwa kor nyo pïrchini pich kïmang.” Mwoghöy Echotyon Kimuktoghin.

KIYITUT 24:14

“Kïlenyona rosa, kamïlan ye nyu korenyu, wölo tera omwowun kïgh nyo ighchini pïchï piköku ompö osis cho pkonöy.”

IGHISYEWUT 2:17

‘Mwoghöy Tororöt ompö osiswo söröm lö, Otöninan pich löwïr Mïkulöwunyu. Ngorsïyi werkökwa nko tipikwa sïwïyi chumwakökwa kiporut rwotïtöy poyikwa tïkwïn.

2 TIMOTEO 3:1

Inkïtï lö itu osiswö cho pö kömpölelyö ato le söröm.

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

2 PETRO 3:3

Nyo pö tagh, mïchinokwa onkïtune lö, itu pich osiswo löt cho pöyu möngengwa möchutkökwa cho pö por. Nyernyerenekwa chane,

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

NGONGUT 20:4

Atolapay asïwan ngöcherwo paytagh nko pich cho kitïpisot ngöcherwechoni. Ketö pïchoni owesyö nyo rwokyini pich. Asïwan ngat mïkulis pö pich cho kikïsil kotwon ompöwölo kisöwintönchï chane man nyo kingongwï Yeso akwamta ngölyonto Tororöt. Kikïsil kotwon lenyoni tïkwïl ompöwölo melö kisagh chane tyonyay anta körkeyïntanyi amelö kicham ketö mötöwekwa anta morikwa macheyu tyonyoni. Kututï Tororöt chane akutö kïpayta nko Kristo* könyis elpu akonga.