ISAYA 2:19 - PIPÏLIA

¹⁹ Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 2:19 ပူးပေါင်းရင်းမြစ်များ

2 SAMWEL 22:46

Kimeghö mutïnö pipö punton, kïpkana nöyet cho ki körtegho kegh akï potonchot.

AYUPU 9:6

Timtimöy nyinte ngwïny kunaka otini kömi ighöy pchörinechi kïpotonchö.

TUMWÖY 7:6

Ngeta, we ECHOTYON, ompö nörekyengu, ngeta terïntena pungköchan cho köromöch. Ngeta, we Tororötïnyu, nyo imököy ma kwigha.

ISAYA 13:13

Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 2:10

Wïnyo kegh chane kö pönot ompö wölnö le kutïngkot anta pal pïrïmpot lö tökechïwïtyenö ompö sïngiryo ECHOTYON atökïwïnga kegh wölo mi owesyenyi nko ororyenyi!

ISAYA 2:21

Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 24:1

Ighöy ECHOTYON ngwïny kïtïryolitu akïpïstö kïlïkwï surkwen, akïköpïgh, akutoytoyö pich.

ISAYA 24:18

Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

ISAYA 24:19

Köreroy ngwïnya lö tya, körero akïpasyangana akutimtimö ompö owesyö.

ISAYA 30:32

Tumöy pipö ECHOTYON cho pöghisyegho tokigh nko pïkantis otini mito nyinte kulïwöy chane kuloyö. Nyinte Tororöt nyo poryegho pipö Asirya.

ISAYA 33:10

Mwochini ECHOTYON pipö punton kïmïkul lö, “Ongetan ye nyu, oporunan wölo ochan awes kïlïkwï.

ISAYA 7:19

Pkonöy kunyïghitöy kïghömï renkeröy nko köpönot cho mi ghatoy nko wuw pö kato nko wölo oketïyi kyakï tïkwïl.

YEREMIA 16:16

Lentöy ECHOTYON, “Arose! Kokurön nömï cho chang kïpka kïnam pïchete le nömi kaghagh. Atolapay okurön sökosï cho chang kïsakas chane ompö kutïngkot nko komos nko ghatoy nko köpönot.

YEREMIA 4:29

Otini kakïlïm lö ketï pich cho pegho angoletin nko pich cho ipöy möronkit, kïtoyeghö pich kanasyan lötya! Ryöghöy walaka kïlïtöy sïkur, kïpus walaka akïwïnchï kegh ghatoy. Wuwo pich kanastin kïlïkwï kïratis, cho puryö pich cho möngöy.

YEREMIA 48:28

Akwa pipö Moap! Opïstenö momönge kanastin. Ape amanga köpönoti koghïn. Agha le chepïrïmpen cho teköy korikwa renkeröy

ESEKEL 33:27

Mwochinö chane lö lentöy Echotyon TORORÖT le ato osopan wonyot pich löwïr cho möngöy kïratis ompö chok, atönan tyompö wuw kwam chi anka tïkwïl ompö ompölyon, kwam amal cho mi wölo aghïgh nko cho mi köpönot.

OSEA 10:8

Kiwuröy wölo sogho pipö Israel körkeyïntin ompö Apen. Pito nyu sekut nko koto wölo kipelo amöros lenchini kutïngkot, “Akartecha.” Akïlenchï komos, “Orulchecha.”

MIKA 7:17

Chuto kegh ngwïny le moroyut, puluno wölo kögheto kegh ompö potana nko mïghö. Yokyini kegh ECHOTYON Tororötïnyo ompö kiwaghat.

NAUM 3:11

Kikany nyi Ninawi, itömösenyi iwanga, aiyar perteghena punköku.

AKAY 2:6

“Otimtiman ngat tömölow yïm nko ngwïny. Otimtiman nanam nko kor nyo tïyame?

AKAY 2:7

Oryewan koros löwïr, akepï sïkönötengwa kïnyïghï konyan.

LUKA 23:30

Atoni nyu ato lenchini pich kutïngkot, ‘Orulchecha!’ Akïlenchï komos, ‘Awïngecha!’

2 TESALONIKE 1:9

Wonguno chane kichopata kong nko kiwurat nyo pö kokay akepesyeghö chane wölo mi Echotyon nko owesyeto ororyenyi,

EPRANIA 11:38

Pich cho kimömïchïcha kïtïpï ngwïnyinete! Kirwötöy chane ompö surkwen nko kutïnkot nko köpönot akimöngöy köpönot anko pïrïmpot cho mi ngwïny.

EPRANIA 12:26

Kitimtim kutinyi osiswechoni ngwïny, wölo keyomisï nyinte ye lö, “Totimtiman ngwïny ngat amelö ngwïny onkït wölo otimtiman yïm kïmïkul.”

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

NGONGUT 16:18

Kuchumu kiryaltina nko chöghöt nko tïlöto ilot nko kirïngringöto ngwïny nyo pö otyogh. Kitomönye kelïm kirïngringöto ngwïny nyo lata nyoni kïngeta otini kigh Tororöt ptangengmöt. Nyoni nyo kigha kïsir!

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.

NGONGUT 9:6

Möro nyu kong pich meghat ompö oroyechoni kï mut, wölo mönyorucha. Lentöy tïkïmeghö, wölo rïpo meghat chane.

1 SAMWEL 13:6

Nyini kisïwa pipö Israel lö kikeyonech, kïwïnchï kegh köpönot nko pïrïmpot nko wudïn nko karertin nko kori pöghon.

1 SAMWEL 14:11

Kuporchï kegh chane kwodeny pipö Pilisti, kïlö Pilisti, “Achï pipö Eprania kapkana pïrïmpotichay köwïngo kegh.”