18 kiwongöy saghata körkeyïntin asisoni kokay.
Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,
Achï ketï yeteyi! Pkono chane angoletin cho peghotegho odeny odeny. Atolapay kïlö ripintonay, “Kakirultö Papilon! Kakïdïngodïng lömïs körkeyïntineko tororötinechi cho kösoghöy.”
Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*
“Kikwitïta sörömu tororötino Papilon! Pel nko Nepo cho kikïsoghöy könyisyok, wölo kakïkasana ye nyu chane sïkïröy, nïkisïn nyo kituny kyak kwoghochö.
Kïlenyona olenchinekwa pïchoni, “Wonyot lömïs körkeyïntinö cho melö kigh yïm nko ngwïny. Potyot lö weng ompö ngwïny nko ompö muyo yïm.”
Tïkwïn cho le kwïle akï tïpö lïs, kiwongöy chane lömïs ato kïmungöy chane.
“Lentöy Echotyon TORORÖT, onyornyoran körkeyïntin ompö Mempis akupot pöytoghinto Misri, atolapay otönön körkoryö koro Misri.
Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.
Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.
Lïku kanastinekwa löwïr ompö wölini omöngekwa kïratis nko wölo osoghokwa körkeyïntin akerultö ato kïpelo amöros nko körkeyïntine aketoytoyö ato kïpelo tïkwïn cho ngutoy cho onyïn akenyarnyar pöghisyewutkökwa löwïr.
Ayo Epraim, ne nyo kötedenenyi körkeyïntin nya? Akwani nyo oterunyi sowutköku akomöninyi. Alatan ket nyo iwuronenyi akungwïnonanïn kïgh anka tïkwïl nyo omenyi.
Kitïghotïghöy körkeyïntinechi löwïr kïlïkwï mïnchïran, akepel tïkwïn cho kitöni chepkarteni kö pö tororötïngwa. Kirïruköy körkeyïntinechi löwïr kïlïkwï samï. Kinyorchï Samaria tïkuchï ara cheporesnan, petöy nyu lenyoni ompö ara cheporesnan.
Anyarnyaran körkeyïntinekwa löwïr nko pchörine cho otïngetekwa tömokïtïngchinekwa ngat tïkwïn cho kaghakwa morikwo.
onyoran pich nko tyonkïn nko törit, awangan kaghagh ompö nanam. Orïntenan mwokïyis, awangan pich lömïs ompö ngwïny. Mwoghöy ECHOTYON.
Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.
Ongongoghtenan asisoni kaynötut pö körkeyïntin cho soghöy pich kewutyeghö. Opuktenan pich cho ighöy kegh lö kïchï werkoy nko cho soghöy körkeyïntin kïpegha kor.
