ISAYA 19:4 - PIPÏLIA

⁴ Otöninan pipö Misri chi nyo körom, pöytoghin nyo mötïngnye kisyonöt. Mwoghöy Echotyon, ECHOTYON Kimuktoghin.

ISAYA 19:4 ပူးပေါင်းရင်းမြစ်များ

TUMWÖY 31:8

Melö ketönaninyi mori pungköchan, wölo kekonaninyi kitakat.

ISAYA 19:2

Owulyenan pipö Misri kïpar kegh chane nko chane. Poryot nyu chi anka tïkwïl nko werïngwa, akïporyö chi anka tïkwïl nko pöröryenyi, setïni kanasyanta kïpar kanasyante anka, akïpar kegh pöyunötö nko pöyunöte anka.

ISAYA 20:3

Kïlö ECHOTYON, “Kïle wölini köwestotö mötworintenyan Isaya ompö könyis sömök kïchïrut akï puryö kwegh, lïku nyoni kiporunöt nko töngönchin nyo igho ompö koro Misri nko nyo pö Etopya.

ISAYA 20:4

Rötöy pöytoghintö Asirya pikö koroswechoni le odeny kïlïkwï mampustin akïrang chumwak nko poy kïpa kïchïrutöch kimeloköcha kwegh akulak sïro cho mökörtonye löpisöy, ompö arasï nyo pö pipö Misri.

YEREMIA 46:26

Atöninan chane mori pungkökwa cho yöröy kïpöröy chane. Pungkökwa choni kï Nepukadnesa pöytoghinto Papilon nko lïkenyi. Wölo lötunyi tökïpkonöy pich akïmang Misri le köny. Kamwaghan ante ECHOTYON lenyoni.”

ESEKEL 29:19

Kïlenyona lentöy Echotyon TORORÖT, rosa otöninan koro Misri, Nepukadnesa pöytoghinto Papilon tökïcheng kwip sïkönöte nko pöröwe akulölos kore, kïlïkwï ropöwo askarinechi.

ESEKEL 30:12

Atolapay oghan lalwa Nile kïyam atönan kore mori mwokïyis aghan korononi kïlïkwï kïratyan nko kïgh anka tïkwïl nyo mi ori ompö mori pich cho le to. Ani ECHOTYON nyo kamwagh.

NAUM 3:10

Wölo kïrkegh kilenyoni, kipka pung kïrang pikachi le pïnot Kikïrang kïpa wölo low, aketïghotïgh monekwa kïkörpösisyö mötöwö ompö ortïna kanasyan. Kikïnam akerata sïrïmtin pipö Tepes cho echön, atolapay kïchöghchï kegh.

1 SAMWEL 23:7

Kemwochï Saulö lö, köwö Daudi Keila. Kïlö Saulö, “Kikutö nyu Tororöt nyinte morichan, ompöwölo kökörchï kegh kanasyan nyo tïng kukot cho tekote.”