ISAYA 19:3 - PIPÏLIA

³ Wonyegho sirmoy lakaw pipö Misri, akwanykwanyan kinonutkökwa, atökïpa chane kïtepata kapolöktin kungarak chane, akïpa kïtep akïsom kingarakat mïkulis pö pich cho mi ngwen.

ISAYA 19:3 ပူးပေါင်းရင်းမြစ်များ

2 SAMWEL 15:31

Kemwochï Daudi lö, “Mi Aitopel nko pïchay kinyoryö nko Apsolom.” Kïlö Daudi, “Osoghinyi ECHOTYON lö, waghaka kiruröto Aitopel kïlïkwï sölwontön.”

2 SAMWEL 17:14

Kïlö Apsolom nko pipö Israel löwïr, “Karam ngölyonto Usyay chi pö Arkit kïtïl nyo pö Aitopel.” Kökikïkïl ECHOTYON kunyar ngölyonto Aitopel nyay karam, atökwipchï ghöyityö Apsolom.

2 SAMWEL 17:23

Nyini kisïwa Aitopel lö melö kikïrïp ngalechi, kïrat sïkïryenyi akïwö kutang kanasyantenyi. Akuyomis monechi atolapay kuket kegh. Ketïpchï pïrïmpeto paponyi.

2 PÖYTOGHÏ 1:2

Kichïnuna osiswechoni Aasia pöytoghinto Israel konyi nyo pö parak ompö Samaria, akïkasa nyoman. Kïyonta pich kïpa kïtep Paal Sepup, nyo kile tororöt pö pipö Pilisti nyo kimi Ekron atökunkïtunö nyinte lö ekïsöpöy nyinte ompö kösotyononi.

1 OTÖPTINO OSIS 10:13

Kïma Saulö ompöwölo kighchï ECHOTYON nyo gha. Kimarïpnye kirurut pö ECHOTYON, wölo kïwö kitepa ngal chepsoköytin

TUMWÖY 107:27

Kitomïghighyö akïkwongkwongisyö le tömösï akuwonyeghö chïreryö chane!

TUMWÖY 33:10

Nyoröy ECHOTYON tötut pö punton akïkwanykwany kinonutkökwa.

TUMWÖY 76:12

nyinte nyo optegho chönökopïr, akwotyeghö pöytoghi ngwïny. Ompö kintöghoghinto tumï. Kïrïp kegh nko Yedutun. Tum pö Asap.

NGÖTÏNYÖ 21:30

Möminye ngöghomnyö anta pköchin, akï möminye kirurötö nyo muköy kïrïntoy ECHOTYON.

ISAYA 14:27

Möchöy ECHOTYON Kimuktoghin kwighöy lenyoni, kakughïtö nyinte ewunyi atökuchop kong pungkachi, akï möminye chi nyo yodoy.

ISAYA 15:2

Kïpusta pipö Dipon wölo kïsogho körkeyïntin akïriryö. Kiriryö pipö Moap, kïrirchï kanastina Nepo nko Medepa ompö nyarïl, kirwach mötöwekwa nko tamughayikwa ompö nyarïl.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

ISAYA 47:12

Leta ye tagh nko chepsoköynengu, supchinö kegh pönutköku kïchangit, cho kisïngenyi kïtenö ichinyi mïnïng. Manan ngörokinyi tïkuchoni, töptoy imukenyi iotyeghö punköku.

ISAYA 57:16

Kyotönön pikachu söpon amelö toletan tagh orwokyini chane anta anarek nko chane kokay.

ISAYA 8:19

Wölo mito pich cho tepokwa lö otepunenö ngal pich cho pöghisyegho oy nko ponï, cho ngölonöy le törit. Lenchinokwa chane, “Möminye kïgh ato tepunö pich lökoy mïkulis pö pich cho kimeghö ompö paraku pich cho söpsot.”

YEREMIA 46:15

Ompö ne tökupultö Apis tororötïnkwa, kïrkïnkwa nyï otighokwa kegh? Ompöwölo kiwirchï ECHOTYON nyinte ngwïny!

ESEKEL 21:7

Ato tepinyi chi lö ne nyï ilokonenyi, imwochï lö ompö ngal cho pkonöy. Otini ketï, wiröy chane mïghö, akïchïntoy morïn, akïmeghö mutïnö, akïwir kegh kutïngöy ompö potana. Ighisyot ngalechoni nyo mötïny, akikwitï asisoni.” Mwoghöy Echotyon TORORÖT.

ESEKEL 22:14

Tetïngetenönyi nyakanat nya anta tetïngetenönyi owesyö nyo iporyot ompö asisini koporyegheninyi? Ani ECHOTYON nyo kamwagh, aghan lenyini.

DANIEL 1:20

Kïsïwa nyu pöytoghintö lö kaykay pïchoni kïnyïl taman ompö pköchin nko ngöghomnyö ompö kïgh anka tïkwïl nyo tepöy nyinte chane kïtïl pich löwïr cho le chemowostin nko ngorï ompö pöyunötenyi.

DANIEL 2:2

Kïlenyona kïmwatïta pöytoghintö kekurï chemöwostin nko ngorï nko ponï nko pipö Papilonia cho ngöghomöch atökïmwochï pöytoghin kirwotïtoghtanyi. Kïpka pïchay akughyongö tawunyi.

DANIEL 5:7

Kuta pöytoghintö lö amïtuna chesoköytin nko ponï nko pipö Papilonia cho ngöghomöch ompö ngala kokel. Nyini kitï kïlenchï pïchay, “Ato chi nyo somönöy kikirutchï akuporwanïn waghakatenyi kelokyini nyinte sïra nyo lata akwa lamay nko sïrïmnyonto koltin ompö katïnyi akïlïku rïpöwon nyo pö sömök ompö pöyunöt.”

1 SAMWEL 25:37

Ato mi tökwoghö otini kiwonyeghö tamasa Napal, kïmwochï korkenyi nyinte ngalechay, kïmuta mïkulögh lö tïch akïmeyta por.