ISAYA 19:24 - PIPÏLIA

²⁴ Ato itï asisoni, kutuyö kegh pipö Israel nko cho pö Misri nko cho pö Asirya. Lïku puntonichoni kïsömök kisoyönöt ompö ngwïny kïmïkul.

ISAYA 19:24 ပူးပေါင်းရင်းမြစ်များ

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

ISAYA 19:23

Ato itï asisoni, kïrumï or nyo wow nyo ngetuno koro Misri ntökwit koro Asirya, atökïpka pipö Asirya koro Misri, kïpa cho pö Misri koro Asirya. Soghöy nyu puntonichoni kwodeny tïkwïl.

ISAYA 19:25

Soyönöy ECHOTYON Kimuktoghin chane akïlenchï, “Osoyönokwa pikachu, pipö Misri nko akwa pipö Asirya cho kyaghakwa nko akwa pipö Israel cho ochï kïlankachan.”

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 49:22

Kïlenchï Echotyon TORORÖT Kimuktoghin pikachi, “Osyolchinan ewunyu pipö punton le machey, atökuyokwï chane monekwa kïmïlisyö kestonikwa.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

ISAYA 65:22

Melö teköy akïmang chitö anka. Melö kötkötöy akwam chitö anka. Ompöwölo kïtenö wölo tenö könyiswo ket, kïtenö choni könyiswo piköchan. Ngörökyini ighisyewutkökwa cho kighota chane.

ISAYA 65:8

Mwoghöy ECHOTYON lö, “Möminye chi nyo nyoröy sapipun, wölo ighöy kïlïkwï dipay.* Kïlenyoni tïkwïl ompö ani. Monyoranye pikachu löwïr. Osörunan cho pöghisyewanïn.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.

SAKARIA 8:13

Akwa we pipö Yuda nko Israel, mowöghisyö! Nyo pö nyoman, ompö osis cho kikuwer kiyitokwa pipö punton le pich cho kikïchïp! Wölo ye osörwokwa, alïkukwa pich cho soyönote akï cho nyorchini piko walaka kisoyonöt. Kïlenyona, osïko nyakanat!”

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

RUMI 15:27

Kicham opïn kaniseni choni kwigh lenyoni, kïrkegh ompö man, kökïmökino chane kungarak mey. Ompöwölo ato kikïgham pipö punton kisoyönut pö pipö Yaudi cho pö mïkulögh, kï mïchini tïkwïl chane kïpöghisyechï pipö Yaudi ompö möchutkökwa cho pö por.

KALATIA 3:14

Kigh Kristo lenyoni atömanyïl ketö pipö punton kisoyönöto Tororöt nyo kiyomisyï nyinte Apraam ompö ara Kristo Yeso atömanyïl ketakacha Mïkulöwunoni kiyomisï Tororöt ompö ara kighanat.

KINONO KIRURUT 32:43

“Asala pipö ECHOTYON, akwa pipö punton, nyörilöy ECHOTYON kong pich löwïr cho pöröy pikachi akïlöstoghchï pikachi ngokikwa.”