ISAYA 19:22 - PIPÏLIA

²² Töni ECHOTYON nyarïl pipö Misri, wölo sopöy chane ato le lötï. Wöghökyini kegh nyinte, akïterchï chane sowutkökwa, akusop.

ISAYA 19:22 ပူးပေါင်းရင်းမြစ်များ

2 PÖYTOGHÏ 20:5

Mïlena ngat wölo mi Esekia, nyo le pöytoghinto piköchan ailenchï, “Kölö ECHOTYON Tororöt pö papongu Daudi, kalïman saghatengu asïwan lokeku. Osopinyi, nyo ato mi asispa sömök iwenyi Kö pö Tororöt.

AYUPU 22:23

Ato iyokyinyi kegh Kimuktoghin aimïnïngitanyi kegh ato inateghenyi ngokï kïlowitunö kongu

AYUPU 5:18

Ompöwölo kotönöy nyinte, wölo rötöy moyokö Mungöy ewunyi, wölo sopöy nyinte.

WUWÖT 8:4

Komchininyi mnyakaway nko piköku nko mötworiku.’ ”

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 57:18

“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

ISAYA 6:10

Atolapay kïlenchanïn, “Igha mïkulis pö pïchï kwongeröchitu, aigh yitikwa kïminyö, akïköryö konyikwa atömökumï chane kurosïta anta lïm kïgh anta sïkwï kïgh, atömötöp ntökurosïtegha konyikwa akïlïma yitikwa akïsïkunö mïkuliskökwa, akïmïlisyö wölo omitan atosopön chane.”

ESEKEL 29:13

“Lentöy Echotyon TORORÖT, oghömïtunan pipö Misri löwïr ompö sörömu konyi tömönut angwan ompö wölo kyotoytochan.

OSEA 14:1

Omïlisyenö we Israel, omïlechinö ECHOTYON Tororötïngwo ompöwölo kichïntenyi ompö ngokiku.

OSEA 5:15

“Opökochtonan chane ntökïtenö kïpköchï chane ngokikwa akïmïlonchö nyu kïyaranïn. Kilöy kegh nyu nyoman kïyöranïn ompö otinö kewongu.”

OSEA 6:2

Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.

KINONO KIRURUT 32:39

“ ‘Onkïtune ye nyu lö, ani onkït nyo ochï Tororöt, möminye tororöt anka kïpoto ani. Opöran atönan osopan, okotönan asop amelö mi chi nyo töghöy kïgh nyo oghan.

EPRANIA 12:11

Ketö chi sitöt, kïmelö kïgh nyo kïngörökyini, puryö ipu ngwonïn ato mi löt kuyinchï pïchoni kikinet pïröto kegh akwa cho pö ropöwonto kalya nyo pö söpon nyo satate.