ISAYA 19:21 - PIPÏLIA

²¹ Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 19:21 ပူးပေါင်းရင်းမြစ်များ

1 PÖYTOGHÏ 8:43

iterchï sowutkachi ompö yïm wölini imöngenyi. Aighchï nyinte kïrïp kegh nko sowutkachi, atökunkïtï kaynengu pipö ngwïny kïmïkul akïkonyïtinyi le piköku Israel. Nkïtu nyu chane lö kïsogheninyi Köyete kotekunyi.

TUMWÖY 61:8

Osölan kaynengu kokay, otini opunyi ropöwechu kïnomnyö. Ompö kintöghoghinto tumï. Kïrïp kegh nko tum pö Yedutun. Tum pö Daudi.

TUMWÖY 67:2

nya kïrumtö machatengu ompö ngwïny nko sörunötengu ompö punton löwïr.

TUMWÖY 68:31

Pkonöy pich cho ghyongtoy koro Misri, syolöy pipö Etopya ewunekwa atökïsagh Tororöt.

TUMWÖY 68:32

Otumchinö Tororöt pöytoghi ngwïny, otumchinö Echotyon tumwöyi sölut,

OMTOGHIN 5:4

Ato iwolwolchï kïgh Tororöt, itötö lawel, ompöwölo melö ngörökyini nyinte sölwöy. Igha kïyoni kewalwalanyi lö oghöy.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 37:20

Kïlenyona, ye nyu, we ECHOTYON, Tororötïnyo, sörwecha kechïwïtyeghenö ewuno pipö Asirya atökunkïtï pipö punton tïkwïl lö nyi onkït nyo ichï Tororöt.”

ISAYA 44:5

“Mwoghöy atoni chi anka tïkwïl lö, ‘Opoyan ECHOTYON.’ Mwoghöy anka lö, ‘Okuro ompö kaynata Yakopo.’ Kirchini anka ewunyi lö, ‘Pö ECHOTYON,’ akuyit kegh lö ochï akonga ompö pipö Israel.”

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 60:7

Kïropkokwa kechir löwïr cho pö koro Kedar, oghekwa mökol cho pkono Nepaiot kïlïkwï amörostin, cho chömöy ECHOTYON. Minöy nyu ECHOTYON Konyi kïsïch ororyö nyo wow.

ISAYA 66:23

Pkonöy puntonï löwïr kïsoghenanïn Yerusalem ato kighöy Ichon pö Relïn pö Arawa nko Sapato* anka tïkwïl. Mwoghöy ECHOTYON.

YONA 1:16

Kuwagh pïchay ECHOTYON nyoman, akïropchï nyinte amöros akuwalwal kegh lö kïpöghisyechini nyinte.

APAKUK 2:14

akï kwïle wölo lumöy pögh cho möngörï nanam kïlenyoni tïkwïl wölo sïchtoy pipö ngwïny kinkïtöto ororyo ECHOTYON.

SEPANIA 3:10

Pkonchinanïn piköchan cho kitoyechï koro Etopya, pkonöy kïsoghanïn akwipkanïn ropöw.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 SAMWEL 17:46

Töninyi asete ECHOTYON morichan, opörinyi atörön mötïngu atönön porwöyi pipö lïko Pilisti törit nko tïpö wudïn, atökunkïtï pich löwïr lö mi Tororöt koro Israel.