ISAYA 19:18 - PIPÏLIA

¹⁸ Ngölonöy asisoni kuti pipö Kanan kanastin mut ompö koro Misri akuwolwolsyö lö kïrïpöy ECHOTYON Kimuktoghin. Kuro kanasyan akonga, “Kanasyanta Asis.”

ISAYA 19:18 ပူးပေါင်းရင်းမြစ်များ

TOWUNÖT 11:1

Kingölonöy pich otini le tagh kut akonga akipöghisyegho ngalechini akonga.

NEEMIA 10:29

akutuyö kegh nko pikökwa nko kintöghoghikwa akwam muma lö, kïrïpöy kirurut pö Tororöt cho kikitö Musa mötworinto Tororöt tökekaman kirurutchini löwïr pö ECHOTYON, Echotyontencha nko ngalechi nko kinetutkachi.

TUMWÖY 68:31

Pkonöy pich cho ghyongtoy koro Misri, syolöy pipö Etopya ewunekwa atökïsagh Tororöt.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 19:19

Ato itï asisoni, kesöchï koro Misri wölo kïpelchinegho ECHOTYON amörostin nko kogh nyo le pchörï nyo kïropchini nyinte ompö rotyo korononi pö Misri,

ISAYA 19:21

Porchini kegh ECHOTYON pipö Misri, atolapay kïwöghokisyö chane akïsagh nyinte, akïropchï nyinte ropöw nko amörostin. Atolapay kwomchï chane ECHOTYON muma akwigh kïrïp kegh nko kiyomisötengwa.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

ISAYA 65:16

Kïlenyona chi anka tïkwïl nyo mököy kisoyönöt, kïsomöy Tororöt nyo Ghanate. Akwanka tïkwïl nyo omöy muma, kuwolwolo kegh kaynata Tororöt nyo Ghanate. Weröy kömpölelut cho kipö tagh akewutyeghö.”

YEREMIA 12:16

Kïkany ato cham chane kïrïp ortïna piköchan Israel akuwalwal ompö kaynenyan kïlentöy, ‘Kïle wölo söpöy ECHOTYON,’ le wölo kinet piköchan kuwalwal ompö kayna Paal,* kïlïku chane tïkwïl piköchan.

SEPANIA 3:9

“Itïtoy ato otïlilan ngölyep pö piköchan kïngalan man, kuranïn akïsaghanïn akïpöghisyewanïn onkït ompö mïkulögh akonga.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

KINONO KIRURUT 10:20

Okonyïtö ECHOTYON Tororötïngwo apöghisyechï nyinte. Otuyö kegh nko nyinte lasiny awalwal ompö kaynenyi.