ISAYA 19:17 - PIPÏLIA

¹⁷ Akïlïku koro Yuda otyogh ompö pipö Misri, wöghisïyi chi anka tïkwïl nyo kïmwochini ngalechoni, ompö kïgh nyo kikïtat ECHOTYON Kimuktoghin ompö chane.

ISAYA 19:17 ပူးပေါင်းရင်းမြစ်များ

ISAYA 14:24

Kam ECHOTYON Kimuktoghin muma lö, “Igha kïgh anka tïkwïl nyo ononan nyo mötïny. Akwighöy kïyoni lenyini omöktonan ante.

ISAYA 36:1

Kiporyeghö Senakerip pöytoghinto Asirya kanastina Yuda cho kikïtek nïyet akïrïnta ompö könyi taman nko angwan nyo pö paytaghpa pöytoghin Esekia.

YEREMIA 25:19

Chï kï pikö walaka cho kighegha kikompononi pö nörekyo ECHOTYON: pöytoghinto Misri nko mötworichi nko yetïntinechi pipö Misri löwïr nko to cho mi Misri pöytoghi löwïr cho pö koro Us pöytoghi löwïr cho pö kanastina Pilisti cho kïkuro Askelon nko Kasa nko Ekron nko nyo kingötunö Asdod pich löwïr cho mi Edom nko Moap nko Amon pöytoghï löwïr cho pö koro Tiro nko Sidon pöytoghï löwïr cho pö koros pö nanampa Kwen kanastina Dedan nko Tema nko Pus pich löwïr cho mutöy puto möt kïtöngoghöchitu pöytoghï löwïr cho pö Arapia pöytoghi löwïr cho pö pich cho möngöy surkwen pöytoghï löwïr cho pö koros pö Simri nko Elam nko Mede pöytoghï löwïr cho pö koros cho mi okumpö löt, cho lowöch nko cho lekïtöch, kïrïp kegh Kigha lenyoni pipö ngwïny atomi söröm kïgha pöytoghinto Papilon.

ESEKEL 30:9

“Oyontenan asisoni pich cho pïrtït kïpa kwotyeghö pipö Etopya cho lenchini kegh kïmi kalya. Nömöy chane tapan asis pö kinyarata Misri ompöwölo itïtoy asisoni nyo mötïny.”

DANIEL 4:35

Melö yitöy pich ompö ngwïny kïmïkul lö kïgh, pöytoy nyinte malayken ompö yïm nko pich ompö ngwïny ompö machatenyi, Amöminye chi nyo töghöy makatenyi anta lenchï, ne nyï ighenyi?