ISAYA 19:1 - PIPÏLIA

¹ Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 19:1 ပူးပေါင်းရင်းမြစ်များ

TUMWÖY 104:3

aitek möngengu paraku pögho yïm. Kepöghisyeghenyi poltoy kïlïkwï nkaringu, aiweghö köpepoy pö yomat.

TUMWÖY 104:34

Nya kïmïlïn tumtönyan, we ECHOTYON, ompöwölo ngwïno ngörekyenyan wölo imitenyi.

TUMWÖY 18:9

Kupun yïmwöy akungwïn ngwïny akimi polta nyo tuw kelyechi.

TUMWÖY 68:4

Otumchinö Tororöt, asal kaynatenyi asagha nyinte nyo wegho poltoy. Kïkuro kaynatenyi ECHOTYON, ongörökyinö nyinte!

WUWÖT 12:12

“Ompöwölo oweran koro Misri oghononi apöran poretay löwïr ompö koro Misri nyo pö chi nko cho pö kyak arwokyinan tororötin löwïr cho pö Misri. Ochan ECHOTYON.

ISAYA 13:1

Anyï ngölyon nyo ngölono Papilon nyo kimwochï Tororöt Isaya wero Amos.

ISAYA 13:7

Nyörkölölitu nyu atoni ewuno pich kïmïkul, akuwonyö sirmöy pö chi anka tïkwïl.

ISAYA 19:16

Itu asis ato nyökoritu pipö Misri le kor. Mïghsot chane ompö otyogh otini kasïwa lö keghïtö ECHOTYON Kimuktoghin ewunyi atökunyaril kong chane.

ISAYA 21:9

Achï ketï yeteyi! Pkono chane angoletin cho peghotegho odeny odeny. Atolapay kïlö ripintonay, “Kakirultö Papilon! Kakïdïngodïng lömïs körkeyïntineko tororötinechi cho kösoghöy.”

YEREMIA 25:19

Chï kï pikö walaka cho kighegha kikompononi pö nörekyo ECHOTYON: pöytoghinto Misri nko mötworichi nko yetïntinechi pipö Misri löwïr nko to cho mi Misri pöytoghi löwïr cho pö koro Us pöytoghi löwïr cho pö kanastina Pilisti cho kïkuro Askelon nko Kasa nko Ekron nko nyo kingötunö Asdod pich löwïr cho mi Edom nko Moap nko Amon pöytoghï löwïr cho pö koro Tiro nko Sidon pöytoghï löwïr cho pö koros pö nanampa Kwen kanastina Dedan nko Tema nko Pus pich löwïr cho mutöy puto möt kïtöngoghöchitu pöytoghï löwïr cho pö Arapia pöytoghi löwïr cho pö pich cho möngöy surkwen pöytoghï löwïr cho pö koros pö Simri nko Elam nko Mede pöytoghï löwïr cho pö koros cho mi okumpö löt, cho lowöch nko cho lekïtöch, kïrïp kegh Kigha lenyoni pipö ngwïny atomi söröm kïgha pöytoghinto Papilon.

YEREMIA 4:13

Arose! Kechumï punyon le polta. Ghumotoy nkarinechï cho pö poryot le pïchpïch, pïrtït angoletinechi kïtïl sichtin, heywey wechï kakiwonyö!

YEREMIA 44:8

Ompö ne toghanikwa anarek otinö osoghekwa körkeyïntin cho kyaghekwa morikwo atolapay opelchï amörostin tororötine walaka ompö koronï pö Misri kapkanakwa amang nya? Ayo, kaghakwa so lenyoni towonyenö akïmïnakwa pipö ngwïny kïmïkul, akepöghisyeghö kaynenkwa ompö chïpö?

YEREMIA 50:2

“Amwatïtena lökoyechï kïghomï koros, osïtö pentera yïm, amwatïta! Amwagha, amawïny kïgh nyonikïny lö, ‘Kikerïnta Papilon, kimïgh akïnam arasï tororötïngwa Pel, potönöy tororötïngwa Merodak. Kiketyartyar körkeyïntinechay soghöy chane kunyorisyö.’

YEREMIA 51:44

Omungan Pel, tororöt pö Papilon otöpan kungungï kïgh anka tïkwïl nyo kinïkugh. Melö tökïsoröy koroswö akïsagh nyinte ngat. Kikïrulyö nïyet pö kanastina Papilon.

ESEKEL 30:13

“Lentöy Echotyon TORORÖT, onyornyoran körkeyïntin ompö Mempis akupot pöytoghinto Misri, atolapay otönön körkoryö koro Misri.

YOEL 3:19

“Kighöy Misri kïlïkwï kïratyan akegh Edom kïlïkwï köpöryon nyo kimïl ompöwölo kipokyï pipö Yuda kïporyeghö akïmïltegha pich kisön ompö korengwa cho puryö lelut.

NAUM 1:1

Anyï ngölyonto ECHOTYON nyo ngölono kanasyanta Ninawi le wölo kimwochï Naum nyo ngwïno Elkos ompö ara sïwïyagh.

NAUM 1:3

Melö kwïskwïs kïnarek ECHOTYON, wölo wow owesyö nyo tïng. Melö pïstoy mwokïyon kïchïwït mönyorï sitöt. Ngeto chepkiriri atoni kewerata ECHOTYON, poltoy kï terïtyon nyo ngetuno atona katïk kelyechi.

SAKARIA 10:11

Weröy chane nanamu Misri, okörtonan chane ompö chepkiriri pö nanam, aghan lalwa Nile kïteny! Owonyan menöto Asirya, aghan owesyo Misri kupot.

SAKARIA 14:18

Ato tagh pipö Misri kïkonyït Ichon pö Tunkun, kwomöy chane sömewonay kitö ECHOTYON koros cho kitagh kïkonyït ichononi.

KIYITUT 33:4

otini kimi pipö Misri kïroröy poretayikwa chay kitïgh ECHOTYON. Kiporï nyu ECHOTYON lö kitïngeto nyinte owesyö kïtïl tororötino pipö Misri.

KINONO KIRURUT 33:26

Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.

YOSWÖ 2:11

Nyini kikïlïmacha, kïmeghecha mïkulis amelö kingötyï chi anka tïkwïl nyakanat akwompö akwa, ompöwölo ECHOTYON Tororötïnkwa kï nyinte nyo mi yïm parak nko ngwïny.

YOSWÖ 2:24

Akïlenchï, “Nyoman, kikutö ECHOTYON koronini kïmïkul moricha akimeghö mïkulis pö pipö koronini akwompö acha.”

YOSWÖ 2:9

akïlenchï, “Onkïtön lö kikïkonokwa ECHOTYON koronï akikemïghyecha ompö akwa. Kimeghö mïkulis piko koronete akwompö akwa.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.