ISAYA 17:6 - PIPÏLIA

⁶ Körökegh atoni pipö Israel nko ket pö orolwö nyo kikepïtö akwechi lömïs kïpoto cho le odeny anta sömök cho köngötunö wölo le walisay. Ngötu chane cho ngörï lenyoni, anta karkegh nko cho ngörï cho köngötunö mori cho mi wölo porö.” Mwoghöy ECHOTYON, Tororöt pö Israel.

ISAYA 17:6 ပူးပေါင်းရင်းမြစ်များ

1 PÖYTOGHÏ 19:18

Wölo opïsinan koro Israel pich 7,000 cho melö kikïtïnchï Paal anta chïchïn kutïwekwa körkeyïntanyi.”

ISAYA 1:9

Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

ISAYA 10:22

Kïrkegh chang ye pipö Israel le ngayam cho mi nanam, wölo mïlonchot cho ngörï. Mi kiwurata kïköngöy chane akwigho lenyoni ompö man.

ISAYA 24:13

Nka nyoni kïgh nyo igho ompö pipö ngwïny, kikongityot atoni nko ato kakitimtim keti arol akïtökïmito arolka walaka ketït. Akekongityot nko ato kirorotoy sapipun cho le ngötunön.

ISAYA 27:12

Ghömïtöy ECHOTYON aisoni pikachi kwakonga akonga kïle chi nyo seröy pagh nko morïr, kïngetunö Yuparet ntökwit sörömu Misri.

YEREMIA 4:27

Ompöwölo lentöy ECHOTYON, “Lïku korö kïmïkul surkwen, wölo motïpanye lömïs.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

OPADIA 1:5

“Atopka chorï oghö, melö so chengchini kegh tïkwïn cho kömököy kïpoto? Atopka pich cho pïtöy sapipun, pïtöy amöngötï tïkwïte keti? Wölo pkonöy pungkökwa kuwongokwa lömïs.

MIKA 7:1

Ochech nyo kangwïn lö sïpapa amonyorï akwa cho kingotyï ket anta sapipun cho ororotö. Kikuror köny chepökörot kikepït makany cho kotö omöy akwe cho pïrchini muyenyan.

RUMI 11:26

Kïsöru nyu atoni pipö Israel kïmïkul, kïle wölo mwoghöy Kikirut lö, “Ngwïno asïyech Ghetin Sayon,* akupuktegho nyinte pipö Yakopo ghöyityö.

RUMI 9:27

Kimwa Isaya tïkwïl paraku pipö Israel lö, “Kïrkegh köchang pipö Israel le ngayam cho mi sörömu nanam, wölo pich cho ngörï pat ompö chane cho kïsöru,

KINONO KIRURUT 4:27

Toyenokwa ECHOTYON oghömune punton walaka, atongötunökwa nyu pich cho ngörï cho otïpisot nko pïchoni.

KIRWOKÏ 8:2

Wölo kïlenchï pïchoni, “Mi ne nyo kaghan nyo wow kïtïl nyo kaghakwa? Kegh pipö Epraim kïgh nyo wow tya kïrkegh kömïnïng, kïtïl nyo kegh ara Apieser.