ISAYA 16:6 - PIPÏLIA

⁶ Mito pipö Yuda kïlentöy, “Kakelïmacha wölo kwoltoy kegh pipö Moap. Kinkïtöcha lö menot chane, akïghechön mötöwöy akïköromöch, wölo menyiwunye kïgh köromnyengwa.”

ISAYA 16:6 ပူးပေါင်းရင်းမြစ်များ

NGÖTÏNYÖ 21:24

Kïkuro chi nyo kwolöy kegh, “Sösin,” chi nyo ighöy ngal ompö menöt.

ISAYA 15:1

Ngölono ngölyontonï pipö Moap. Kakiwur kanastina Ar nko Kir ompö oghö akonga, kïsï nyu koro Moap lasay.

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 25:10

Ompöwölo körtoy ECHOTYON kutïng pö Sayon, poto pipö Moap cho kïtïkyini ngwïny, kïle wölay kïtïköy ompö kïlïkwï pures.

ISAYA 25:11

Ghïtoy chane ewunekwa le pich cho pegho pögh, wölo optegho Tororöt kwolötengwa nko lïsat nyo pö ewunekwa.

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 28:18

Kïwöghököy mis nyo kyamakwa nko meghat kïlïkwï kwïle, akewirta kiyomisötenkwa nyo kyoyomisökwa kegh nko ngwen. Kïrïntonokwa otini ketï mungötö nyo ngwïnöy ngwïny.

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

YEREMIA 48:14

Ayo, akwa pipö Moap, omukekwa lö ne omenöy lö kïchï nyökon, amwagh lö, kïchï köromöch ompö poryot nya?

YEREMIA 48:26

“Akemena Moap kumïn kïtamas ompöwölo kisyol kegh akïtagh kïrïp ngalechan. Melmelöy nyinte kanguntanichi akeroröchï.

YEREMIA 48:42

Kinyoröy pipö Moap nyo mökeyitönye ngat lö pich. Ompöwölo kip kegh yïm ompö tawu Tororöt.

YEREMIA 50:36

Kïpöröy chepsoköytinechi, cho ngoröy ngala sölwontön. Kïpöröy nyökonkachi kuwonyö lökïr!

AMOS 2:1

Lentöy ECHOTYON, “Melö oyodeghonan Moap sitöt ompö ghöyitwokachi cho pö kïnomnyö ompöwölo kipit koyo pöytoghinto Edom lökïr.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”