ISAYA 14:31 - PIPÏLIA

³¹ Oteghenö ariryö akwa kanastina Pilisti! Omïghyenö, atyö akwane lömïs! Ompöwölo anyinö polta terïtyon kengwïna okumpö löt! Pipö lïk chane cho setu, amelö mi chi nyo körtoy.

ISAYA 14:31 ပူးပေါင်းရင်းမြစ်များ

ISAYA 13:6

Oteghyenö ompö ngwonïn, ompöwölo kalekïtit asispa ECHOTYON ato ipu Kimuktoghin kiwurat.

ISAYA 14:29

Kakimïregh lïkïp nyo kïmungo pipö Pilisti, wölo mongörekyö. Ompöwölo ato ma moroya, kuchumu lötunyi mïnya nyo ngwan tya, ngwïno adösyonto moroy moroya nyo pilöy nyo karkegh nko ma.

ISAYA 16:7

Riryot asïyech pipö Moap ompö nyarïl nyo nyoru. Riryot chane kïmïkul otini kenan omisyewut cho karamach cho kyomo chane kanasyanta Kirareset. Kitulöy chane akenor lasiny.

ISAYA 20:1

Kiset pipö lïko Asirya akïporyeghö pipö Pilisti ompö kanasyanta Asdod, kintöghoghchini Sarkon nyo kiwowö korononi, aki nyinte nyo kipöytoy pipö Asirya cho pö lïk.

ISAYA 24:12

Kitïryalit kanasyante, kikeriy kukotichi kunyorisyö.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 3:26

Riryot ortïna kanasyan akuteghyö, kikongityot kanasyante asisoni nko karka nyo kakityaka sïro kïtöpö kïchïrut.

ISAYA 34:16

Ayare köny kitapu ECHOTYON, asomön ngala tyonkïn cho söpchot atasïwena kïgh nyo mwoghöy. Möminye kïgh ompö chane nyo le ompö akonga ompö tyonchoni nyo melö mito, möminye nyo le ompö akonga nyo rörchini chitöngwa. Ompöwölo kïgh nyo kamwa ECHOTYON kwighöy lenyoni. Akï nyinte ECHOTYON nyo tuyot chane.

ISAYA 45:2

Ani kegh nyo ontöghoghunyi, oporan kutïngkot ompö tawungu kïrumï or. Omïreghan kukotikwa pö taghöy kïlïkwï syawsyaw, atörotörön möröwekwa cho pö karïn kïmïrisyö.

YEREMIA 1:14

Kïlenchanïn nyu ECHOTYON, “Chumuno onkunoni kinyarata nyo chumchini pipö koronete,

YEREMIA 47:2

“Arosa! Keghumonï pögh cho rökuno okumpö löt, lïku lalwa nyo nyïghiti puseryonta kïnyalta. Lumöy puseryontononi kor nko tïkwïn cho mi kor, ametukönye kanastin nko pich cho möngöy ori. Riryot pich kengarak, loksot kuteghyot pich cho möngöy koronete

YEREMIA 47:4

Ompöwölo kikwitïta ato kiwuröy pipö Pilisti lömïs, akengötigh lömak kingörokut, nyo ngwïno koro Tiro nko Sidon. Ompöwölo owuran ante ECHOTYON pipö Pilisti, pïchoni löwïr pkono Kaptori, kor nyo riköy kegh nko nanam.