ISAYA 14:30 - PIPÏLIA

³⁰ Lïku ECHOTYON mösöwonteto pikachi cho le mey, akïrip chane kïtïpï ato tïghume. Wölo töni nyinte pipö Pilisti kömöy nyo ngwan, amelö pïsyini nyo le ompö akonga ompö chane kïsöp.

ISAYA 14:30 ပူးပေါင်းရင်းမြစ်များ

AYUPU 18:13

Chimöy sömewö portanyi nyöghöy sömewö nyo gha ngichayayichi.

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 29:19

Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.

ISAYA 3:14

Ipchini ECHOTYON kirwok poy nko kintöghoghiko pikachi. Rwokyini chane atoni lö, “Akwa cho kyam parenyan nyo pö sapipun, kakïnyorchï tïpö mey korikwa cho kyoritökwa.

ISAYA 3:15

Otïngetekwa man ne, omungö piköchan apïr pich cho le mey?” Mwoghöy Echotyon TORORÖT Kimuktoghin.

ISAYA 33:16

Atemuka onyorunö ato tïghume, akarkegh nko pich cho ghïpchegho ghat nyo awes. Onyorunekwa omisyö nko pögh cho ogheghöy.

ISAYA 37:30

Atolapay kïlenchï Isaya pöytoghin Esekia, “Anyï macheypa kïgh nyo igho, iyomenyi könyinete nko könyinïna pakani pagh cho pitöy opïn, wölo iletonyi kösïgheku ompö könyi nyo rïptoy aikas pagheku aikatkat keti sapipun aiyam akwekwa.

ISAYA 5:17

Oketïyi nyu ato mi wara kechir le wölo koketïyi kïnomnyö, akwam to lödo kïpïstö.

ISAYA 51:19

Köpkonchinyi tïkuchï le odeny, ekï ngo nyu köny nyo soghsoghinyi? Ketunyi kiwurata nko poryot nko kömeywok, ekï ngo nyu nyo syonchininyi?

ISAYA 8:21

Tompöroryegho nyu pich kor atoni, meghsot mutïnö nyoman akwam kömöy. Chïpöy nyu chane pöytoghintengwa nko Tororötïngwa otini mi chane nyarïl ompö kömöy nko nörekyö. Kïrkegh kïlentöy kïtopönöy yïm,

ISAYA 9:20

Söro kegh pich omisyewut cho kemï kïnyorï ompö kore kïmïkul, wölo melö pïghyongi nyonikïny. Omöy chane ompö chini le monekwa!

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.