ISAYA 14:29 - PIPÏLIA

²⁹ Kakimïregh lïkïp nyo kïmungo pipö Pilisti, wölo mongörekyö. Ompöwölo ato ma moroya, kuchumu lötunyi mïnya nyo ngwan tya, ngwïno adösyonto moroy moroya nyo pilöy nyo karkegh nko ma.

ISAYA 14:29 ပူးပေါင်းရင်းမြစ်များ

2 PÖYTOGHÏ 18:8

Kïporyeghö pipö Pilisti akïrïnta akupokyï kanastinekwa cho mïnkech nko cho echön, kïmi nko Kasa nko koros cho lekïtöch.

2 OTÖPTINO OSIS 26:6

Kïset Usya kïwö kïpar kegh nko pipö Pilisti. Kurutö nïyetwo Kat nko Yapne nko nyo pö Asdod, akïtek kanastin Asdod kïghömï nko woptino koro Pilisti löwïr.

2 OTÖPTINO OSIS 28:18

Kupokyï pipö Pilisti tïkwïl kïpar kanastina Syepela, Nekep* nyo mi koro Yuda, akikïcheng Pet Syemes nko Ayalon nko Kederot nko Soko nko Kestoni, Timna nko Kestoni nko Kimso nko kestoni akwigh wöloni kïlïkwï möngengwa.

NGÖTÏNYÖ 24:17

Meturön ato pït punyontengu, amekany kïngarak mïkulöwungu ato chit nyinte,

ISAYA 11:14

Pokyini chane kwodeny pipö Pilisti ompö okumpö ta, akïnam cho möngöy kongasis. Poryegho pipö Edom nko cho pö Moap akïrïnta, atolapay kïterchï pipö Amon chane.

ISAYA 11:8

Medonye kïgh moroya mnyarkil, kïrkegh köpirönö atolekïtö kö pö mïny.

ISAYA 14:31

Oteghenö ariryö akwa kanastina Pilisti! Omïghyenö, atyö akwane lömïs! Ompöwölo anyinö polta terïtyon kengwïna okumpö löt! Pipö lïk chane cho setu, amelö mi chi nyo körtoy.

ISAYA 2:6

Kepakachtenyi piköku, we Tororöt, piköku cho pö ara Yakopo! Kinyïghï korengwa chepsoköytin cho kipkana Kongasis nko pipö Pilisti. Mito pich kïrïpöy otöptin cho sis.

ISAYA 30:6

Anyï ngölyon nyo kïmwochini tyonkïn cho pö okumpö ewu tagh kor nyo le surkwen nyo mwochini Tororöt chane lö, “Kirutö pich cho ghyongchini korengwa ompö koroswo puntoni walaka. Kiwerata chane kor nyo ki wow tapan, kor nyo kichang ngötunywö nko moroyut cho kitïng ngwonö nyo wow nko moroyut cho pegho mïröt. Kikasana chane sïkïröy nko tamasay ropöw cho pö olyot nyo wow cho kipetöy kïropchini pich cho kimemukcha kungarak chane.

YEREMIA 47:1

Kingölonwanïn ECHOTYON kïtomö kïrïnta Parao kanasyanta Kasa ompö pipö Pilisti lö,

LOK 2:17

Kegh ECHOTYON kïgh nyo ngwan nyo kikakïmwa lö oghöy kepunto ngölyon nyo kimwa könyisyok kimwa lö onyoröy Yerusalem nyo puryö kisyonchin kïgh nyoni nyo kigh pungköcha kïngörekyö otini kirïntecha akïsïch owesyö.

ESEKEL 25:15

Lentöy Echotyon TORORÖT, “Kigh Pilisti nyo gha kutökisyö ompö pipö Israel. Kïpar chane ompöwölo pungkökwa cho pö köny.”

ESEKEL 26:2

Kïlenchanïn, “Wero chi, köroröchï pipö Tiro pipö Yerusalem lö, ‘Kimïrö tekechonto ara pich, kiyata ye nyu tolïtön, tökwighöy ne ye nyu? Melö tökïtïng owesyö nyonikïny.’

ESEKEL 35:15

Lenyini kingörökyini koro Israel ompöwölo kilïkwï kïratyan, kïlenyona oghokwa yitïn, olïkunekwa kïratyan, nyi kutïng pö Seir nko Edom kïmïkul, kinkïtï nyu chane lö ochan ECHOTYON.”

OSEA 9:1

Mengarak kör we Israel amoturonchö le punton walaka ompöwölo kyalïkukwa kalomak otinö kopïstekwa Tororötïngwo kyongörekyikwa ropïyeni chepkartanan cho pö wölay kïtïgho pagh.

YOEL 3:4

“Ochikwa ngo ompö ani nya Tiro nko Sidon nko koroswo Pilistia? Ayo mi kïgh nyo omökekwa oghokwanïn? Nyo ato mi kïgh nyo oyokwanïkwa, ayokwokwa nyu lawel kïrïp kegh nko wölo lata ighisyewutkökwa.

AMOS 1:6

Lentöy ECHOTYON, “Melö oyodeghnan sitöt Kasa ompö ghöyitwokachi sömök tökwangwan ompöwölo kirang pikö löwïr kïpa pïnotön kitö chane pipö Edom.

AMOS 1:8

Owonyan pipö Asdod nko nyinte nyo tïng lïpö paytagh ompö Askelon. Owongan pich cho möngöy Ekron nko ngötunön pö Pilisti.” Mwoghöy Echotyon TORORÖT. Tiro

OPADIA 1:12

Melö kitongörekyinekwa nyarïl nyo kinyorï werkökwa cho pö Yuda melö kimïchini oturönökwa asispa kiwangatengwa, anta ororöchï chane otini kimi nyarïl nyo wow.

MIKA 7:8

Mengörökyï nyarïltanyan we punyontonï, ato apïtan kïtö ongetan ngat akï kïrkegh omitan tuwïn, kïlïku ECHOTYON löpoyïntanyan.

SEPANIA 2:4

Wuwo pich kanasyanta Kasa, lïku kïratyan kanasyanta Askelon, kitulöy pipö kanasyanta Asdod pöghet kwen aketïp kanasyanta Ekron lökïr.

SEPANIA 2:5

Heywey akwa cho omöngöy sörömu nanam, akwa pipö Keret, kikumanekwa ECHOTYON, akwa pipö Kanan ompö koro Pilisti! Owongokwa tömökïminye ompö akong nyo ngötu.

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

SAKARIA 9:5

Sïwïyi choni löwïr kanasyanta Askelon akïmïgh. Sïwïyi tïkwïl kanasyanta kasa akuchir kupelpel terït. Chiröy tïkwïl kanasyanta Ekron, ompöwölo potöy kikönötengwa lö weng. Meghöy pöytoghinto kanasyanta Kasa. Kïtoyeghö pich kanasyanta Askelon kïlïkwï kïratyan.

KIYITUT 21:8

Kïlenchï ECHOTYON Musa, “Igha moroyo karïn aikach sökotïn, chi anka tïkwïl nyo kasïr moroya akïtopön moroyononi kïsöpöy.”

YOSWÖ 13:3

kingata lalwa Syior okumpö kongasispa koro Misri nko okumpö löt ntökwit rotyo Ekron, tökuyitote lö koro Kanan. Mi pöytoghï cho le mut cho pö pipö Pilisti, cho pö kanasyanta Kasa nko Asdod nko Askelon nko Kat nko Ekron nko cho pö Apim,