25 Owuran pipö Asirya ompö koreto piköchan Israel, atïkatïkan chane kutïngkotichan cho mi korononi. Otyokan pikachu cho kirat pipö Asirya, atyaka chane nïkisïntin cho kikitö kïkasan.
Kïyonta ECHOTYON malaykayan kïtïw nyökon pö lïk löwïr nko kighyongtoghi nko yetïntin cho kimi möngo pöytoghinto Asirya. Kïmïla pöytoghinto Asirya ompö arasï kïwö korenyi. Akwotini kïwö kïlït koto tororötïnyi, kïsöpchï werkachi walak kïpara rotwo chok.
Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”
Keriy ECHOTYON lïkip pö pöytoghï cho le mwokïyis
Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.
Kutkutö kegh, we Yerusalem nyo kiketyakïn! Ngetunenö terïtyon aitöpö ngacharungu nyo pö paytagh! Tyaka sïrïmtin cho kikïrateninyi kat, we chepï pö Sayon* le pïnotyon!
Ompöwölo keriyönyi mchoki ompö kotwonikwa, nko syariti nyo kimungöy puwanikwa, le wölo kirïntenyi pipö Midyan.
“Kiwit pïrïmpoti pich cho kimeghö Asirya nko pikachi pö lïk cho kikïpar löwïr kuwonyö.
Iwonyechinenyi nyu, we Kok, kutïngkoti Israel nko lïkengu kïmïkul nko punton cho mi nko nyi, atotötinyi lïkuna omisyo törit kïtïkon nko tïpö wuw kwaminyi lökïr.
akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.
Pöytoy koro Asirya ompö chok akïpayta koro Nimrod ompö chok nyo mi kisach kisörwecha nyu chane ompö mori pipö Asirya otini kapka chane korencha akïlïtu rotyotïnecha.
Owongan ye nyu owesyo Asirya nyo melö tökïpöytonekwa ngat, ongötiyan sïrïmtin cho kiratenekwa.”
Weröy chane nanamu Misri, okörtonan chane ompö chepkiriri pö nanam, aghan lalwa Nile kïteny! Owonyan menöto Asirya, aghan owesyo Misri kupot.