ISAYA 14:1 - PIPÏLIA

¹ Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 14:1 ပူးပေါင်းရင်းမြစ်များ

ESTA 8:17

Kingörekyö pipö Yaudi akïturonchö akwam akor ompö mikoa nko kanasyan anka tïkwïl wölo kikïlïma kiyomisöto pöytoghin akwigh kïlïkwï asis nyo wow nyo pö kimïny. Kwigh kegh piko koros cho chang kïlïkwï pipö Yaudi ompöwölo kiwagh chane pipö Yaudi.

TUMWÖY 102:13

Syonchinö kanasyanta Sayon,* kakwitïta ato kömïchï kelul, asista nyete nyo mïchini.

TUMWÖY 102:14

Chömöy mötworiku koghichi, kïrkegh kökikenyar kïlïkwï kïratyan.

TUMWÖY 143:12

Ompö chomnyengu nyo pö kokay, pörwante punkachu ainyar pich löwïr cho le pïrï, ompöwölo ochan mötworintengu. Tum pö Daudi.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

ISAYA 19:18

Ngölonöy asisoni kuti pipö Kanan kanastin mut ompö koro Misri akuwolwolsyö lö kïrïpöy ECHOTYON Kimuktoghin. Kuro kanasyan akonga, “Kanasyanta Asis.”

ISAYA 21:1

Anyï ngölyon nyo ngölono Papilon. Ituno kiwurata kor nyo pö otyogh, nyo kikongityot nko wïwïchö nyo weru wölo le Surkwen.

ISAYA 27:6

Owesöchitu pipö Israel ompö osis cho pkonöy, tortoy nyighin asïyech pipö ara Yakopo, akïtapïkan, kïkarkegh nko ket nyo pitöy. Ghömu ngwïny kïmïkul akwa cho yinu chane.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 41:9

Kyamïtwakwa apkanena kor wölo low tya, kyokurokwa apkanena söremwok pö ngwïny, alenchokwa, ‘Ochikwa mötworichan.’ Melö kyataghakwa wölo kyakïlakwa.

ISAYA 44:1

Lentöy ECHOTYON, “Atera ngalechan, akwa pipö Yakopo cho ochï mötworichan, atera pipö Israel cho ochï kïlankachan!

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 47:1

Lentöy ECHOTYON, “Rökunenö we Papilon, ngacharungu nyo pö paytagh, rökunö aingwïn itöpö terïtyon. Kilatenyi tagh chepkïltït, kanasyan nyo awes, melö tökïkurinyi pich ngat lö nyo tapïlïl akï nyo ngarngar! Kelïkunyi ye nyu sekeyon!

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

ISAYA 49:15

Yokyini nyu ECHOTYON chane lö, “Muköy so korka kïwutyegho montanyi nyo rerïyi, amacham montanyi nyo köyï? Kïrkegh köwutyeghö chane, wölo mowutyegheninyinye.

ISAYA 49:25

Mölyöngu nyu ECHOTYON lö, “Nka nyoni kïgh nyo igho, kïsöro askaryan mampustin akerit tïpö chi nyo kolkol. Oporyeghonan chi anka tïkwïl nyo poryeghenokwa asörunan monekwa ompö morikwa.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 56:3

Merokonye kïlö chi nyo le pïnotyon nyo kakutuyö kegh nko pipö ECHOTYON, “Möpïswanïnye ECHOTYON osoghan nko pikachi.” Amerokonye chi nyo kakelat kunan lö, memukönye nyinte kïlïku akonga nko pipö Tororöt ompöwölo mökumukönye nyinte ntökïsïch monïng.

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

YEREMIA 16:15

wölo lö, ‘Kïle ato söpöy ECHOTYON nyo kimïtuna pipö Israel kor nyo mi okumpö löt nko ompö wop anka tïkwïl nyo kiyonchï nyinte chane.’ Kamwaghan lenyoni ompöwölo oyokunan chane kïmïlisyö korengwa nyo kyotönön papotïnekwa.”

YEREMIA 29:14

Onyorwanïkwa nyo mötïny atolapay aghamïtunekwa woptin löwïr cho kyotoytoychekwa. Oyokwokwa omïlisyeno korengwo nyo kyayonenakwa apa le pïnot. Mwoghöy ECHOTYON.

YEREMIA 30:8

Kamwaghan ante ECHOTYON Kimuktoghin lö, “Ato itï asisoni, ongwïnan otörotöröy michokin cho kikïrötyï katwayi piköchan. Kïngeta atoni nyu melö tökeghokwa ngat alïkuna mötwori pich cho monkïtökwanye.

YEREMIA 31:4

Nyi Israel, chepkïltït nyo pïchigh, otekinyi ngat kïteka! Irötenyi ngat kwïrkwïrisköku ainyal ompö ngörekyö nyo wow.

YEREMIA 50:33

Lentöy ECHOTYON Kimuktoghin, “Kakichop kong pipö Israel nko Yuda, ompöwölo machamcha pïchini kinam chane kïpïstö chane kïpa.

YEREMIA 51:51

Kalïmakwa omwoghekwa lö, ‘Kökïlïmchicha kegh nyo gha akïnamecha arasï ompöwölo kapka pich walaka Kö pö Tororöt* akïlït kot wölo tïlil.’

ESEKEL 16:60

Wölo oripan mumenyan nko nyi nyo pö atanya kichinyi monïng, aghan muma nko nyi nyo pö kokay.

ESEKEL 47:22

Ichöghenyi kïlïkwï mïlatenkwa nyo le nyinkwa nko to nko monekwa cho kikïyichï korenkwa kïnyorï tïkwïl mïlat kïkarkegh nko akwa. Lenye chane monïngo pipö Israel.

SAKARIA 1:17

Atolapay kïlenchanïn ECHOTYON Kimuktoghin, mwatïtena ngat lö, nyïghiti sïkönöt ngat kanastinechan. Oghan kanasyanta Sayon kïngarak ngat akïlchan kegh Yerusalem ngat.”

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

LUKA 1:54

Kikupuntö kiyomisötenyi nyo kimwochï papotïnecha akungwïn ompö kisyonötenyi, kungarak mötworintenyi Israel,

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”